Almaty polısıasy “sıntetıkanyń” birneshe dozasyn tárkiledi.
Polıseıler eki “dopıng paıdalanýshyny” ustaý kezinde 27 býma psıhotroptyq zatty tárkiledi, dep habarlaıdy Almaty-akshamy.kz Polisia.kz-ke silteme jasap.
Áýezov aýdany aýmaǵynda, "Dostyq" yqshamaýdanynda jeke tintý barysynda Almaty qalasynyń 21 jastaǵy turǵynynan esirtki zaty bar 17 baılam tabyldy jáne tárkilendi. Saraptama qorytyndysyna sáıkes, tárkilengen zat psıhotroptyq esirtki ekeni anyqtaldy. Polısıa qyzmetkerleri 23 jastaǵy taǵy bir qala turǵynyn 10 býma sıntetıkalyq zatpen ustady.
«Tekserý barysynda polıetılen qaptamaǵa oralǵan sıntetıkalyq esirtki zattary tárkilendi. Osy epızodtar boıynsha QR QK-niń 296-baby 4-bóligi jáne QR QK-niń 297-baby 3-bóligimen qylmystyq ister tirkeldi. Kúdiktilerge qatysty qamaýǵa alý túrindegi bultartpaý sharasy tańdaldy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Qylmystyq istiń basqa da mán-jaılary QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.