2023 jyldyń 14 qańtary men 6 naýryzy aralyǵynda reıster sany azaıady.
«Jolaýshylar tasymaly» AQ №105/106 Almaty-Petropavl poıyzynyń júrý jıiligine ózgeris engizilgenin málimdedi, dep habarlaıdy Almaty-akshamy.kz
2023 jyldyń 14 qańtary men 6 naýryzy aralyǵynda tasymal jıiligi ózgeredi. Poıyz buryn kún saıyn júretin bolsa, endi kún ara qatynaıdy. Buǵan talgodaǵy jóndeý jumystary sebep bolǵan.
Poıyzdyń qatynaý jıiligi tómendegideı:
- Almatydan qańtar aıynda taq kúnderi, aqpan/naýryzda jup kúnderi júredi.
- Petropavldan qańtarda – jup, aqpan/naýryzda taq kúnderi júredi. «Toqtatylǵan reısterge jol júrý qujatyn buryn rásimdegen jolaýshylarǵa jolaýshylardy, bagajdy, júkti jáne temirjol kóligimen poshta jóneltilimderin tasymaldaý qaǵıdalaryna sáıkes bılet quny tolyq qaıtarylady. Ulttyq tasymaldaýshy týyndaǵan qolaısyzdyqtar úshin keshirim suraıdy», - delingen habarlamada.