Almaty qalasynyń №15 emhanasynyń dárigeri Móldir Ákimjan Óńirlik komýnıkasıalar qyzmetiniń baspasóz konferensıasynda bıylǵy jyly balalar mýtasıalanǵan «delta»-nusqanyń paıda bolýyna baılanysty koronavırýspen jıi aýyra bastaǵanyn atap ótti dep habarlaıdy almaty-akshamy.kz
Sanıtarlyq-epıdemıologıalyq baqylaý departamentiniń málimetinshe, ótken jyly Almatyda 281 oqýshy juqtyrǵan, bul kórsetkish 15 039-ǵa jetti. Kóptegen jaǵdaılarda ınfeksıa juqtyrý otbasylarda oryn alady – 22% jaǵdaı.
- Balalar eresekterge, qarttarǵa vırýs juqtyrady, olar úshin vırýs óte qaýipti. Sondaı-aq, kez-kelgen ınfeksıa bir jasqa deıingi sábılerge qaýip tóndiredi. Sondyqtan, eger otbasynda kishkentaı bala bolsa, ony aınalasyndaǵylardyń bári COVID-19-ǵa qarsy egilgeni jón. Koronavırýs balalarda jıi aýyr bolatynyn túsiný kerek. Pandemıa bastalǵannan beri álemde 9 myń bala qaıtys boldy, - dedi dáriger.
Pedıatr balalarda postkovıdtik sındrom eresekterde sıaqty júredi dep qosty. Aýrý kezinde keıbir balalarda asqynýlar bolýy múmkin, mysaly, kóp júıeli qabyný sındromy, uzaqqa sozylǵan joǵary temperatýra.
Dáriger vaksınalanǵan adamdardyń sany neǵurlym kóp bolsa, vırýstyń taralýy men mýtasıa yqtımaldyǵy az bolatyndyǵyna senimdi. «Delta» - balalarǵa bastapqy «Ýhan» vırýsyna qaraǵanda jıi shabýyl jasaıdy.
Móldir Ákimjan sozylmaly aýrýlary bar balalardy vaksınalaý óte mańyzdy ekenin aıtty.
Búginde Qoǵamdyq densaýlyq basqarmasynyń málimetinshe, Almatyda 2 947 jasóspirim vaksınalandy.