Respýblıka saraıynda Muǵalimder kúnin merekeleýge arnalǵan saltanatty is-shara ótti. Kásibı merekeni áriptester arasynda atap ótýge 2,5 myńnan astam pedagog, eńbek ardagerleri, oqytýshylar áýletteriniń ókilderi jáne basqa da qonaqtar keldi.
Qala ákimi Erbolat Dosaev is-shara qonaqtaryn merekemen quttyqtap, olardyń izgi eńbekteri jáne qazaqstandyqtardyń jas urpaǵyn tárbıeleýge qosqan úlesi úshin rızashylyǵyn bildirdi.
“Tek qana Sizder ár balanyń boıyna bilimniń, qorshaǵan álemniń, tabıǵı zańdylyqtardyń, ǵylymı jańalyqtardyń negizin qalap, balalarǵa baǵa jetpes qýanysh pen jaqsylyq usynasyzdar. Muǵalim ataný – úlken qurmet ári jaýapkershiligi óte joǵary mamandyq. Ustaz úshin ózi bilim bergen shákirtiniń súıispenshiligi men qurmetinen asqan baǵa joq. Munda Sizderdiń elimizdiń bolashaǵy bolyp tabylatyn patrıot, izdenimpaz, meıirimdi jastardyń qalyptasýyna qosqan úlesteriniz óte mańyzdy”, - dedi Erbolat Dosaev óziniń quttyqtaý sózinde.
Bul kúni merekelik is-sharada "Almaty ustazy" baıqaýynyń qorytyndysy men jeńimpazdaryn marapattaý rásimi ótti. Jas muǵalimderge arnalǵan baıqaý 2022 jyldyń 1 tamyzynda bastalyp, 3 kezeńde ótti. "Almaty ustazy" aıasynda 3500-den astam pedagog zamanaýı bilim berý úderisine ozyq tásilder men sıfrlyq tehnologıalardy engizý boıynsha óz daǵdylaryn kórsetti.
Megapolıs basshysy fınalǵa shyqqan 5 jas pedagogqa Fınlándıada bilim berý taǵylymdamasyna sertıfıkattar tabys etti. Marapattarǵa: №13 gımnazıa mektebiniń bastaýysh synyp muǵalimi Janna Kakenova, №104 mektep tarıh pániniń muǵalimi Nurjan Ibragımov, №69 mektep tarıhshysy Bolat Muńbaev, №39 mamandandyrylǵan lıseıdiń qazaq tili men ádebıeti pániniń oqytýshysy Alına Dınabekova ıe boldy. Fınlándıada taǵylymdamadan ótýge 5 mln teńge kólemindegi bas júldeni № 135 jalpy bilim beretin mekteptiń tarıh pániniń muǵalimi Ánýar Isaev jeńip aldy.
Qala ákiminen 27 gımnazıanyń bıologıa pániniń muǵalimi Álipbek Damıra jáne 178 mamandandyrylǵan lıseıdiń matematıka pániniń muǵalimi Lýnara Amalbekova Fınlándıada taǵylymdamadan ótýge qosymsha sertıfıkattar aldy.
Budan basqa, "Almaty mektebi" baǵdarlamasy boıynsha Estonıa men Fınlándıanyń úzdik oqý oryndarynda bıyl 50 mekteptiń basshylary halyqaralyq akademıalyq taǵylymdamadan ótedi.
Budan buryn habarlanǵandaı, oqý jylynyń basynda qalada 6600 oryndy 4 jańa memlekettik mektep salyndy, jyl sońyna deıin 7200 oryndy taǵy 5 mektep ashý josparlanýda. Qoldanystaǵy ınfraqurylymdy keńeıtý aıasynda 3 mektepte 875 oryndyqosymshalar paıdalanýǵa berildi, jyl sońyna deıin taǵy 3 orta oqý ornynda qurylys jumystary aıaqtalady. Sondaı-aq, qalada 4 jekemenshik mektep ashyldy, onda bilim berý prosesi jańa ozyq standarttar boıynsha júrgiziletin bolady.