Erbolat Dosaev Muǵalimder kúnin merekeleýge arnalǵan saltanatty is-shara barysynda «Almaty ustazy» baıqaýynyń jeńimpazdaryn marapattady.
Jas pedagogtarǵa arnalǵan baıqaý 2022 jyldyń 1 tamyzynda bastalyp, 3 kezeńde ótti. "Almaty ustazy" aıasynda 3500-den astam oqytýshy zamanaýı bilim berý úderisine ozyq tásilder men sıfrlyq tehnologıalardy engizý boıynsha óz daǵdylaryn kórsetti.
Megapolıs basshysy fınalǵa shyqqan bes jas pedagogqa Fınlándıada taǵylymdamadan ótýge sertıfıkattar tabys etti. Marapattarǵa: №13 gımnazıa mektebiniń bastaýysh synyp muǵalimi Janna Kakenova, №104 mektep tarıh pániniń muǵalimi Nurjan Ibragımov, №69 mektep tarıhshysy Bolat Muńbaev, №39 mamandandyrylǵan lıseıdiń qazaq tili men ádebıeti pániniń oqytýshysy Alına Dınabekova ıe boldy.
Fınlándıada taǵylymdamadan ótýge 5 mln teńge kólemindegi bas júldeni №135 jalpy bilim beretin mekteptiń tarıh pániniń muǵalimi Ánýar Isaev jeńip aldy.
Baıqaý sharttaryna sáıkes, oǵan 36 jasqa deıingi Almaty qalasynyń memlekettik bilim berý uıymdarynda oqý josparynyń barlyq pánderi boıynsha 1-12 synyp muǵalimderi qatysa alady.
Sonymen qatar fınalǵa qatysqan bıologıa jáne matematıka pánderinen eki muǵalim qala ákimi Erbolat Dosaevtan Fınlándıaǵa taǵylymdama túrindegi arnaıy júldemen marapattaldy.
27 gımnazıanyń bıologıa pániniń muǵalimi Damıra Álipbek.
178 mamandandyrylǵan lıseıdiń matematıka pániniń muǵalimi Lýnara Amalbekova.