Bul týraly Almaty onkologıalyq ortalyǵynyń dırektory Nursultan İzmaǵambetov aıtty.
Spıkerdiń sózinshe bıylǵy jyldyń birinshi jartyjyldyǵynda Almaty onkologıalyq ortalyǵynda 10,5 myń naýqas em alǵan, ótken jyly 6 aıda 9,5 myń naýqas boldy. Mundaı kórsetkish 2016 jyldyń sońynda tirkelse, búginde 6 aıdyń ishinde jetip otyr, dep habarlaıdy Almaty-akshamy.kz.
«Qazirdiń ózinde qalalyq onkologıalyq ortalyqtyń hırýrgıalyq bólimshelerinde 1500-den astam hırýrgıalyq ota jasaldy. Olardyń kópshiligi ońaltý ýaqytyn qysqartýǵa jáne laparoskopıany qoldanatyn biregeı joǵary tehnologıalyq zamanaýı gınekologıalyq, mammologıalyq, keýde qýysyna jasalatyn, abdomınaldy, ýrogenıtaldy otalar. Olardy shaǵyn ınvazıvti tehnologıalar dese bolady, buryn mundaı otalardy jasatý úshin bizdiń azamattar shetelge baratyn. Almaty onkologıalyq ortalyǵy Qazaqstandaǵy ashyq jáne laparoskopıalyq ota jasaıtyn klınıkalardyń biri. Bul úshin ortalyqta barlyq qajetti medısınalyq qural-jabdyq bar», – deıdi dáriger.