Jeke úıiniń baqshasynda quramynda esirtki zattary bar ósirýge tyıym salynǵan ósimdikterdi zańsyz ósirýmen aınalysqan adam ustaldy.
Atalǵan derek QR QK-niń 300-babynyń 1-bóligi (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha aýdandyq polısıada tirkeldi, dep habarlaıdy Almaty-akshamy.kz Polisia.kz-ke silteme jasap.
1 shilde kúni saǵat 14:30 shamasynda Almaty oblysy PD EQQKB qyzmetkerleri Almaty oblysy boıynsha UQKD qyzmetkerlerimen birlesip, Uıǵyr aýdanyndaǵy Sharyn aýyly aýmaǵynda “Qarasora – 2023” jedel aldyn alý is-sharalaryn ótkizý kezinde 35 jastaǵy J. esimdi azamatty ustady.
Úıdi tintý barysynda baqshadan quramynda esirtki zattary bar qarasora ósimdiginiń 470 túbi tabylyp, tárkilendi. Kúdikti tergeý áreketterin júrgizý úshin Uıǵyr aýdanynyń PB-ǵa jetkizildi. Barlyq tárkilengen zattar boıynsha sot-hımıalyq saraptama taǵaıyndaldy.