Almaty oblysy ákiminiń ókimimen Bıbigúl Tókenqyzy Uzaqova oblystyq qarjy basqarmasynyń basshysy laýazymyna taǵaıyndaldy, dep habarlaıdy Almaty-akshamy.kz QazAqparatqa silteme jasap.
Bıbigúl Uzaqova 1975 jyly týǵan. Bilimi joǵary. 1996 jyly Qazaq memlekettik ekonomıkalyq ýnıversıtetin «Ekonomıs» mamandyǵy boıynsha bitirgen.
Eńbek jolyn 1996 jyly Almaty oblysy qarjy basqarmasynyń jetekshi mamany bolyp bastaǵan. Ár jyldary Almaty oblysy qarjy basqarmasynyń jetekshi maman-býhgalteri, bas mamany, sektor meńgerýshisi, bólim bastyǵynyń orynbasary, Almaty qalasy qarjy basqarmasynyń bas mamany, bólim bastyǵy, Almaty qalasy ekonomıka jáne búdjetti josparlaý, qarjy, jumyspen qamtý jáne áleýmettik baǵdarlamalar basqarmalary bastyǵynyń orynbasary, Almaty qalasy ákimi apparaty basshysynyń orynbasary, «Eco Almaty» JSHS dırektorynyń orynbasary laýazymdaryn atqarǵan.
2021 jyldyń qazan aıynan bastap osy ýaqytqa deıin «Problemalyq kredıtter qory» AQ bas-ekspert aýdıtory laýazymynda boldy.