ÚAAAJ qurylysy táýlik saıyn shamamen 200 myń kólik kiretin Almaty qalasynyń kóshe-jol jelisine kólik júktemesin azaıtý úshin 2018 jyly bastaldy.
ÚAAAJ uzyndyǵy 66 shaqyrymdy quraıdy, dep habarlaıdy Almaty-akshamy.kz QR IIDM telegram kanalyna silteme jasap.
Jol Almaty oblysynyń Qarasaı, İle jáne Talǵar aýdandarynyń aýmaǵy arqyly ótedi, Almaty qalasynan shyǵatyn 7 negizgi joldy: Uzynaǵash, Bishkek, Nur-Sultan, Komsomol, Qapshaǵaı, sondaı-aq, Qulja men Talǵar traktilerin kesip ótedi.
Joba aıasynda 7 kólik aıyryǵyn salý kózdelgen. ÚAAAJ boıynda 1 shaqyrym radıýsta 57-ge jýyq eldi meken men baý-baqsha seriktestikteri ornalasqan. Almaty jáne Almaty oblysynyń ákimdikteri 6 radıaldy joldy (Abaı, Rysqulov, Aqyn Sara, Saıyn, Tilendıev, Soltústik jarty aınalma jol) iske asyrýda, bul Almaty qalasynan ÚAAAJ-ǵa shyǵýdy qamtamasyz etedi.
Almaty oblysy Talǵar aýdany Qyzyltý 1, 2 jáne Beıbitshilik aýyldarynyń turǵyndary joldy bir deńgeıde qaldyrýǵa nıet bildirdi. ÚAAAJ alty jolaqty qozǵalysy bar joǵary jyldamdyqty kúre jol bolyp tabylatynyn eskere otyryp, «Avtomobıl joldary» QNjE 3.03-09-2006j. sáıkes bir deńgeıde qıylystar ornatýǵa jol berilmeıdi. Osy oraıda aǵymdaǵy jyldyń 19 tamyzynda Talǵar aýdany ákiminiń orynbasary E.Tolqynov jáne «Alarko – Makıol – SK» merdigerlik uıymynyń ókilderi Beıbitshilik jáne Qyzyl-Tý aýyldarynyń turǵyndary úshin jergilikti jol júrýdi qamtamasyz etý boıynsha túsindirý jumystaryn júrgizdi.