Nádir Nádirov – Qazaq KSRniń Eńbegi sińgen ǵylym qaıratkeri. Qazaqstan bilim berý isiniń qurmetti qyzmetkeri.
Qazaqstannyń jáne KSROnyń Qurmetti munaıshysy. Qazaqstannyń Qurmetti azamaty. Qazaqstannyń qurmetti ınjeneri.
Qazaqstannyń tuńǵysh prezıdenti akademık Nádir Nádirovtiń qaıtys bolýyna baılanysty marqumnyń otbasyna kóńil aıtý jedelhatyn joldady, dep habarlaıdy Almaty-akshamy.kz
Elbasy.kz saıtynyń habarlaýynsha, Elbasy kórnekti ǵalym, Qazaqstan Respýblıkasy Ulttyq ǵylym akademıasynyń akademıgi Nádir Kárimuly Nádirovtiń qaıtys bolǵany týraly sýyt habardy kúızelispen qabyldaǵan.
«Nádir Kárimuly sanaly ǵumyryn munaı ǵylymy men ınjenerlik salany damytýǵa arnap, kásibı bıik belesterdi baǵyndyrdy jáne ǵylymı qoǵamdastyq tarapynan keńinen moıyndaldy. Ol sheber uıymdastyrýshy ári bedeldi ustaz retinde ǵalymdar men pedagog mamandardyń tutas býynyn tárbıeledi. «Barbang» Qazaqstan kúrdteri qaýymdastyǵynyń qurmetti prezıdenti kezinde elimizdegi qoǵamdyq kelisim men ultaralyq tatýlyqty nyǵaıtýǵa zor úles qosty», – delingen jedelhatta.