Osy jyldyń 20 shildesinde Almaty oblysy polısıa departamenti uıymdasqan qylmysqa qarsy kúres basqarmasynyń qyzmetkerleri alaıaqtyq jasaǵan qylmystyq toptyń múshesin ustady.
Qazirgi ýaqytta qylmystyq fakt oblystyq polısıada tirkelip, tergeý júrgizilip jatyr, dep habarlaıdy almaty-akshamy.kz Polisia.kz-ke silteme jasap.
Buǵan deıin Almaty oblysy PD jedel ýákilderine kásipkerlik qyzmetpen aınalysatyn 45 jastaǵy jergilikti turǵynnan aldaý arqyly belgisiz er adamnyń 20 mln teńge kóleminde aqsha qarajatyn ıemdengeni týraly aqparat kelip túsken bolatyn. Almaty oblysy PD UQQKB qyzmetkerleri jedel-izdestirý is-sharasyn ótkizdi, nátıjesinde Jambyl aýdany Uzynaǵash aýylynda tártip saqshylary qylmystyq toptyń múshesi bolatyn 48 jastaǵy kúdiktini ustady. Qazirgi ýaqytta tergeýdiń tolyqtyǵyn qamtamasyz etý úshin barlyq qajetti tergeý áreketteri júrgizilýde. Ustalǵan adam basqa da osyǵan uqsas qylmystarǵa qatystylyǵy tekserilip, qamaýǵa alyndy.