Zerthanadan 1500 lıtr prekýrsor tárkilendi.
Baǵyt boıynsha patrúldeý júrgizý kezinde İle aýdanynyń JPQB PPR 209 bortynyń qyzmetkerleri Mitsubichi avtokóligin toqtatqan. Tekserý barysynda kólik salonynan 25 kanıstr hımıalyq suıyqtyq tabyldy, dep habarlaıdy Almaty-akshamy.kz Polisia.kz-ke silteme jasap.
«Tergeý is-sharasy barysynda Almaty oblysy PD EQQKB qyzmetkerleri İle aýdanynyń KPB-men birlesip, tyıym salynǵan zattardy daıyndaǵan 29 jastaǵy kúdiktini áshkerelep, Mejdýrechensk aýylyna jaqyn mańdaǵy sharýa qojalyǵynyń aýmaǵynda ornalasqan esirtki zerthanasyn anyqtady. Ustalǵan adamnyń zerthanasynan shamamen 1500 lıtr prekýrsor tárkilendi», – dedi Almaty oblysy PD bastyǵy Baýyrjan Alenov.
Atalǵan derek QR QK-niń 296-babynyń 4-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha İle aýdanynyń PB-ǵa tirkeldi. Saraptamalyq tekserýler taǵaıyndaldy, kúdikti qamaýǵa alyndy.