Almaty jáne Jetisý oblystary boıynsha QAJ Departamentiniń uıymdastyrýymen, jańa jumys oryndaryn ashý maqsatynda jumys kezdesýi ótti.
Jumys kezdesýine QAJ Departamentiniń, Almaty oblysy jáne Alataý qalalyq ákimdiginiń, mamandandyrylǵan prokýratýra ókilderi jáne №14,12,57 mekeme basshylary, sondaı-aq kishi jáne orta bıznes ókilderi qatysty.
Kezdesý barysynda Almaty oblysynyń kolonıalarynyń óndiristik aımaqtaryndaǵy bos jerlerge qurastyrmaly modýldik óndiris oryndaryn ornatý máselesi talqylandy.
Kásipkerlerge jıynnan keıin №14 mekemedegi óndirister men bos aımaqtar kórsetilip, olarǵa Almaty oblysynyń QAJ mekemelerinde shyǵarylatyn ónimderdiń kórmesi uıymdastyryldy.
" Bul joba mekemelerde jańa óndiristerdiń ashylýyna jáne jumys oryndarynyń kóbeıýine yqpal etetini sózsiz. İs-shara QAJ mekemelerindegi jaǵdaıdy jaqsartýdyń 2023-2025 jyldarǵa arnalǵan jol kartasyn júzege asyrý aıasynda ótkizilýde",- dep atap ótti QAJD bastyǵynyń m.a. Baqytjan Sháripbekov.