Taýardyń jalpy quny bes mıllıon teńgege taıaý
Almaty oblysynyń kásipkerleri Qostanaı oblysyndaǵy órtten zıan shekken aǵaıynǵa áli de kómegin berip jatyr, dep habarlaıdy Almaty-akshamy.kz "Habar 24" telearnasyna silteme jasap.
Búgin kásipkerdiń biri úsh júk kóligine gazdyblok tıep, óńirge jóneltti. Taýardyń jalpy quny bes mıllıon teńgege taıaý. Bul kirpish birneshe úıdiń qabyrǵasyn kóterýge jetedi. Kómek bul ǵana emes. Osy kirpish zaýytynda eńbek etetin 130 jumysshy bir kúndik jalaqysyn aýdardy. Qurylys materıaldaryn tıegen júk kólikteri 2 myń shaqyrymdaǵy Áýlıekól aýdanyna úsh táýlikte jetedi.
«120 sharshy metr bir úıge dep eseptegenbiz. Onda 120-dan eseptegende 4 úıge jetetin qurylys materıalyn berip otyrmyz. Bul avtokladtan shyqqan gazablok tez salynady. Bir jaǵynan jyly, ekinshi jaǵynan sýyq ótkizbeıdi, jylyny ishten syrtqa shyǵarmaıdy», - dedi kásipker Toqan Botabekov.