Ońtústik Koreıada Chedjýdo aralynda álemdik saıasatkerlerdiń halyqaralyq forýmy ótti.
London, Nú-Iork, Argentına, Kalıfornıa, Serbıa, Kanada, Vashıngton, Máskeý jáne basqa da qalalardan kelgen saıasatkerler bir alańǵa jınaldy. Alqaly jıynda senatorlar, merler, depýtattar, ár túrli elderdiń Parlament janyndaǵy keńes tóraǵalary zań salasyndaǵy tájirıbelerimen bólisip, baıandamalar oqydy, dep habarlaıdy Almaty-akshamy.kz Jetisý medıaǵa silteme jasap.
Qazaqstannyń atynan Almaty oblystyq máslıhatynyń VII shaqyrylymynyń depýtaty Damır Dıgaı qatysty.
«Alǵash ret osyndaı aýqymdy halyqaralyq deńgeıde aǵylshyn tilinde sóıledim. Bul forýmǵa uıatqa qalmaý úshin tyńǵylyqty daıyndaldym. Bizdiń saıası júıemizdi tanystyrdym. Nur Otan partıasynyń «Primaries» partıaishilik irikteýi týraly, ótken saılaý barysy jaıynda egjeı-tegjeıli aıttym. Bizde depýtattyq korpýs aıtarlyqtaı jańaryp, onyń quramyna áıelderdiń 30%-y men jastardyń 20%-y kirdi. Bul da halyqaralyq saıası forýmda tilge tıek etildi. Nur Otan partıasy janyndaǵy respýblıkalyq qoǵamdyq keńesterdiń qurylýy men mańyzdylyǵy jaıly da málimet berip óttim», - deıdi depýtat.
Jas depýtat sondaı-aq «Qazaqstan halqy Assambleıasy» ınstıtýty týraly túsindirip, onyń Qazaqstan Respýblıkasy Prezıdentiniń janyndaǵy biregeı organ ekenin, basty mindeti memlekettik ulttyq saıasatty ázirleýge jáne iske asyrýǵa yqpal etý bolyp tabylatyndyǵyn alty qurlyq aldynda atap ótti.
Atalǵan forýmnyń maqsaty saıasatkerlerdiń túrli elderdiń saıası júıesiniń tájirıbesimen almasýy, sondaı-aq bolashaqta kedergisiz tikeleı yntymaqtasýǵa, tipti álemdik saıasatkerlermen keńesýge múmkindik berý bolyp tabylady.