Memleket jáne qaıratkeri, senattyń eks-depýtaty, Almaty oblysynyń burynǵy ákimi Ańsar Musahanov ómirden ótti.
Qaraly habardy senator Janbolat Jórgenbaev áleýmettik jelidegi paraqshasynda jetkizdi, dep habarlaıdy aqshamnews.kz.
Qoǵam jáne memleket qaıratker, ardaqty azamat, asyl dos Musahanov Ańsar Tursynhanulynyń dúnıeden ozýyna baılanysty qaıǵylaryńyzǵa ortaqtasyp, kóńil aıtamyn. Osyndaı aýyr kúnde qaraly kóńilderińizge jubanysh, qaıysqan qabyrǵalaryńyzǵa medet tileımin. Ańsar Tursynhanuly eńbek jolyn aýylsharýashylyǵy salasynan bastap, Qazaqstan parlamenti senatynyń eks-depýtaty, Qazaqstan prezıdenti ákimshiliginiń memlekettik ınspektory, Almaty oblysynyń ákimi, Jambyl, Qarasaı aýdandarynyń ákimi laýazymdaryn zor abyroımen atqaryp, oblystyń, aýdannyń qoǵamdyq-saıası qyzmetterdiń ortasynda júrip, jaýapty qyzmetterde halyqtyń rızashylyǵyna bólengen ardaqty jan edi. Ómirde bolmysy bólek, ustanymy berik zamandasymyzdyń aıtar asyl oılary men halqyna berer paıdasy mol edi. Ómirlik jolynda adal eńbek etip, abyroımen ótkizgen, oń isteriniń jemisin qaldyrǵan ardaqty azamattyń jarqyn beınesi árdaıym jadymyzda. Marqumnyń jasaǵan jaqsylyqtary saýaptan jazylsyn, jatqan jeri jaıly, topyraǵy torqa bolsyn. Artynda qalǵan urpaqtaryna jáne jaqyn týys-baýyrlaryna uzaq ómir, amandyq tileımin. Jaratqan urpaǵyna uzaq ǵumyr násip etsin. Asyl azamattyń ımany salamat bolsyn!, - dep jazdy senator Facebook paraqshasynda.
Aıta keteıik, Ańsar Musahanov 2011-2014 jyldary Almaty oblysynyń ákimi boldy.