Almaty oblysyndaǵy taǵy bir sport kesheni ashyldy
Elbasynyń 100 dene shynyqtyrý-saýyqtyrý keshenin salý týraly tapsyrmasyna oraı Almaty oblysynda taǵy bir osyndaı sporttyq keshen ashyldy, dep habarlady Almaty-akshamy.kz Almaty oblysy ákiminiń baspasóz qyzmetine silteme jasap.
Jańa nysan Kóksý aýdanynyń Balpyq bı aýylynda salyndy. Endi aýyldaǵy 17 myń turǵyn munda densaýlyǵyn shyńdap, kásibı sporttyń 12 túrimen aınalysa alady, dep habarlaıdy Almaty oblysy ákiminiń baspasóz qyzmeti.
Eldi meken turǵyndaryn qýanyshtarymen Kóksý aýdanynyń ákimi Almas Ádil, erkin kúresten Olıpıada oıyndarynyń qola júldegeri Máýlen Mamyrov jáne ardagerler arasynda gir kóterý sportynan álem chempıony Jumahan Kúzbaev quttyqtap, aýyl jastaryna tabandylyq pen qajyrlylyq, sportta zor jetistikter tiledi. Ǵımarattyń saltanatty lentasy qıyldy.
Zamanaýı sport kesheniniń qurylysyna 673 mln. teńge jumsaldy. Ǵımarattyń jalpy alańy 3 myń sharshy metr. Kúres, boks, komandalyq oıyndar zaldary, skalodrom, trenajer zaly jabdyqtalǵan, sol sıaqty 180 oryndyq kórermen trıbýnasy bar. Basketbol, voleıbol, gandbol, mınıfýtbol, badmınton, boks, tenıs, kúres sıaqty sporttyń 12 túrimen aınalysýǵa barlyq jaǵdaı jasalǵan. Sonymen birge jabdyqtalǵan medısınalyq kabınet, sebezgisi bar kıim sheshetin oryn, garderob, 16 oryndyq býfet te bar. Múmkindigi shekteýli jandardyń da sportpen aınalysýyna barlyq múmkindik qarastyrylǵan.
Atap ótsek, búgingi kúni Almaty oblysynda 15 dene shynyqtyrý-saýyqtyrý kesheni jumys isteıdi. Sol qatarda shalǵaıdaǵy Raıymbek aýdanynyń Narynqol aýylynda jáne Balqash aýdanynyń Baqanas aýylynda da jańa sport keshenderi salyndy.