Qazaqstandyq óndirýshiler ómirlik mańyzy bar dárilerge jatatyn bazalyq preparattardy shyǵarýdy jolǵa qoıdy.
Búgin óńirlerge koronavırýstyq ınfeksıaǵa qarsy vaksınalardy jetkizý máseleleri týraly "SQ-Farmasıa" JSHS-niń Basqarma tóraǵasy Erhat Esqalıev aıtyp berdi dep habarlaıdy Almaty-aksnamy.kz QR Densaýlyq saqtaý mınıstrliginiń baspasóz qyzmetine silteme jasap.
QR Prezıdenti janyndaǵy Ortalyq komýnıkasıalar qyzmetinde ótken brıfıńte «SQ-Farmasıa» JSHS-niń Basqarma tóraǵasy Erhat Esqalıev elimizdiń medısınalyq uıymdaryn dári-dármekpen qamtamasyz etý jáne aıtyp berdi.
«SQ-Farmasıa» JSHS Biryńǵaı dıstrıbútor retinde TMKKK, MÁMS júıesi sheńberinde medısınalyq uıymdar men respýblıka halqyn dárilik zattarmen qamtamasyz etedi, sonymen qatar dárilik zattardy memlekettik satyp alýdy shoǵyrlandyrý arqyly farmasevtıkalyq ónerkásiptiń damýyn qamtamasyz etedi.
2020 jyldyń 1 qańtarynan bastap MÁMS engizilýine baılanysty 700 myńǵa jýyq saqtandyrylǵan halyq ambýlatorıalyq deńgeıde tegin dári-dármekpen qamtamasyz etýge qol jetkizdi.
«Biryńǵaı dıstrıbútordyń basty mindeti - dárilik zattarmen qamtamasyz etý júıesi suranystyń ózgerýine jedel jáne naqty jaýap bere alatyndaı, kez-kelgen tótenshe jaǵdaıda ıkemdi jáne eń aldymen azamattardyń qajettilikterine baǵyttalǵan jumysty uıymdastyrý. Óıtkeni olar – bizdiń basty seriktesimiz», - dedi Erhat Esqalıev.
Ol búginde óńirlerde halyqqa koronavırýstyq ınfeksıaǵa qarsy vaksınalardyń tórt túrin tańdaý múmkindigi bar ekenin eske saldy.
Osylaısha, «Spýtnık V» vaksınasy 10 mıllıon 280 myń doza kóleminde (QFK jáne RF óndirgen) satyp alyndy, onyń ishinde aǵymdaǵy jyldyń 1 aqpanynan bastap óńirlerge birinshi komponenttiń 1,9 mln. dozasy jáne ekinshi komponenttiń 1,4 mln. dozasy jóneltildi. 10 maýsymǵa deıin birinshi komponenttiń 1 mln 200 dozasyn jáne ekinshi komponenttiń 525 myń dozasyn jóneltý aıaqtalady. QazCovid-in (QazVac) vaksınasy 2 mln. doza kóleminde satyp alyndy. Óńirlerge 100 myń doza jetkizildi.
Kelesi jetkizilim maýsym aıynyń sońyna deıin josparlanǵan. Hayat-Vax 1 mln. doza kóleminde satyp alyndy jáne óńirlerge jóneltildi. Budan basqa, óndirýshi Sinovac Biotech kompanıasy bolyp tabylatyn Coronavac vaksınasynyń 500 myń dozasy satyp alyndy. Óńirlerge jetkizý 12 maýsymnan keıin kútilýde.
«Osylaısha, búgingi tańda óńirlerge COVID-19 vaksınasynyń 4 mln 400 dozasy jetkizildi. Vaksınalardy aımaqtarǵa bólý QR Densaýlyq saqtaý mınıstrligi Sanıtarlyq-epıdemıologıalyq baqylaý komıtetiniń tapsyrysy boıynsha júzege asyrylady», - dep atap ótti «SQ-Farmasıa» JSHS-niń Basqarma Tóraǵasy.
Budan basqa, Biryńǵaı dıstrıbútor vaksınasıa júrgizý úshin 19,8 mln. shprıs satyp aldy, onyń ishinde Biryńǵaı dıstrıbútordyń qoımalaryna 11,4 mln. shprıs jetkizildi.
Erhat Esqalıev qoımalar men logıstıka prosesteriniń jumysyn uıymdastyrý kezinde farmasevtıkalyq preparattardyń qaýipsizdigi men sapasy birinshi kezekte mańyzdy ekenin atap ótti. COVID-19 vaksınasy jáne Ulttyq egý kúntizbesinen 19 vaksına kelip túsken kezde saqtaý jaǵdaılarynyń ártúrli temperatýralyq kórsetkishteri bolǵandyqtan, «salqyndatý tizbeginiń» saqtaý monıtorıńine erekshe nazar aýdarylady.
«Eger salqyndatý tizbeginiń kem degende bir kezeńi buzylsa, vaksına joıylýy kerek. İs-sharalar barlyq kezeńderde júzege asyrylýy tıis: olardy farmasevtıkalyq zaýytta daıyndaýdan bastap, vaksınany naqty pasıentke jetkizýge deıin. Vaksınalardy tasymaldaýdyń barlyq deńgeıinde ilespe qujattarda temperatýra kórsetkishterin tirkeý júrgiziledi», - dep sendirdi Erhat Esqalıev.
Otandyq farmasevtıkalyq óndiristi damytý týraly aıta kele, «SQ-Farmasıa» JSHS-niń basshysy Úkimet salany damytýdyń 2025 jylǵa deıingi Keshendi josparyn iske asyrýda ekenin, oǵan sáıkes óz óndirisiniń úlesi 50%-dy quraıtynyn habarlady. Biryńǵaı dıstrıbútor ony iske asyrýǵa belsendi qatysady. Osylaısha, búgingi tańda qazaqstandyq óndirýshiler DDSU jikteýi boıynsha ómirlik mańyzdy dárilerge jatatyn bazalyq preparattardy shyǵarýdy jolǵa qoıdy. Mysaly, koronavırýsty emdeý hattamasyna kiretin dári-dármekterdiń 48%-y otandyq ónimder bolyp tabylady.