Almaty oblysynda ornalasqan kompanıa ónimi osyǵan deıin Ortalyq Azıa, Grýzıa, Monǵolıa, Qytaı men Reseıge eksporttap kelgen.
Bıyl oǵan taǵy eki memleket qosyldy. Endi Qazaqstanda shyǵarylǵan balmuzdaqty Armenıa men Saýd Arabıasynan da kezdestirýge bolady, dep habarlaıdy aqshamnews.kz 24.kz-ke silteme jasap.
Aldaǵy onjyldyqta kásiporyn ónim kólemin úsh ese arttyrýdy kózdep otyr. Bul – Almaty oblysyndaǵy jalǵyz balmuzdaq shyǵaratyn kásiporyn. Alǵashynda otbasylyq seh qana bolǵan. Qazir elimizde shyǵarylatyn balmuzdaqtyń teń jatrysy osy kásiporynnyń enshisinde. Jyl sanap eksporttaýshy elder qataryn da arttyryp keledi. Ol úshin, árıne, birinshi kezekte ónim kólemin arttyrdy. Bıyl kompanıa aýqymyn keńeıtip, jańa jelilerdi iske qosý úshin 35 mlrd teńge ınvestısıa quıdy. Onyń qurylysy aıaqtalǵanda fabrıka kúnine 350 tonna balmuzdaq shyǵarady. Qazirgi qýattylyǵy – táýligine 150 tonna.
Dmıtrıı Dokın, kásiporynnyń dırektorlar keńesiniń tóraǵasy:
Biz barynsha sapaly ónim óndirýge kúsh salyp jatyrmyz. Qazir bizben álemniń eń myqty degen balmuzdaq fabrıkalary sanasady. Men ózim 30 jyldan astam balmuzdaq óndirisinde jumys istep kele jatyrmyn. Salany jetik bilem. Eń myqty kásibı mamandardy tarttyq. Mundaǵydaı tehnololgıa kóp jerde kezdese bermeıdi. Bizdiń balmuzdaqtar balalardyń ǵana emes, úlkenderdiń de súıikti táttisi.
Qazir kompanıa balmuzdaqtyń 160 túrin shyǵarady. Oǵan qosa, jartylaı daıyn fabrıkattar men sút ónimderin de usynady. Búginde 3,5 myń adam jumys isteıdi. Jańa jeliler iske qosylǵanda olardyń sany 5 myńǵa kóbeıedi. Jumysshylardyń as-sýy, tasymaly túgel qarastyrlǵan.
Ulan Boranbaıuly, kompanıa qyzmetkeri:
Álem boıynsha 36 al, Eýropa, Azıa-Tynyq muhıty yntymaqtastyq uıymdary memleketteriniń ishinde 6-orynǵa kóterildi. Bul degenimiz, 2022 jylǵa qaraǵanda 2023 qorytyndysy boıynsha kóterildik. Endi bizdiń josparymyz odan da úlken aýqymdy. Jylyna 23 myń tonnadan astam balmuzdaq óndirip 10-nan asa memleketke eksporttap jatyrmyz.
Turaqty ósý men ınovasıa kompanıaǵa óz salasynda kóshbasshy bolyp qalýǵa jol ashty. Mundaı kásiporynǵa memleket barynsha qoldaý bildirip otyr. Óndiristi jańǵyrtý, sapany qadaǵalaý, logıstıkany jetildirý jumystary jalǵasa beredi.