Memleketke keltirilgen zalal mólsherń aldyn ala eseppen 1 mln 791 myń 855 teńgeni qurady
Almaty oblysynyń polıseıleri zańsyz balyq aýlaǵandardy áshkereledi, dep habarlaıdy Almaty-akshamy.kz
2022 jylǵy 13 qarashada Eńbekshiqazaq aýdandyq Polısıa basqarmasynyń qyzmetkerleri Balqash-Alakól oblystyq balyq sharýashylyǵy baseındik ınspeksıasynyń jedel tobymen birlesip reıdtik is-sharalar ótkizdi.
Onyń barysynda eki er adam ustaldy. Olar eki rezeńke qaıyqta qoldanýǵa tyıym salynǵan balyq aýlaý quraldarymen balyq aýlaǵan. Aıta ketý kerek, aýlaý jyl boıy balyq ustaýǵa tyıym salynǵan aımaqta, İle ózeniniń 120 shaqyrymynda júrgizilgen.
Atalǵan fakt QR QK-niń 335-baby (Balyq resýrstaryn, basqa da sý janýarlaryn nemese ósimdikterin zańsyz alý) boıynsha Eńbekshiqazaq aýdanynyń PB-da tirkeldi.
Memleketke keltirilgen zalal mólsherń aldyn ala eseppen 1 mln 791 myń 855 teńgeni qurady. Tártip buzýshylardan prosesýaldyq sheshim qabyldanǵanǵa deıin eki birlik rezeńke qaıyq, eki birlik aspaly qaıyq qozǵaltqyshy jáne 300 keli zańsyz aýlanǵan balyq tárkilendi.