Qapshaǵaı sý qoımasynda zańsyz balyq aýlaǵan brakoner ustaldy.
“Brakoner” jedel-profılaktıkalyq is-sharasyn ótkizý aıasynda Qonaev qalasynda tabıǵatty qorǵaý polısıasynyń qyzmetkeri men Qapshaǵaı balyq ınspeksıasy bóliminiń bas mamandarymen birlesip 5 qarashada Eńbekshiqazaq aýdanynyń turǵynyn ustady, dep habarlaıdy aqshamnews.kz Polisia.kz-ke silteme jasap.
Er adam osy aımaqtaǵy tyıymǵa qaramastan, Qapshaǵaı sý qoımasynda motorly qaıyq pen monojipti tordy paıdalanyp zańsyz balyq aýlaǵan.
– Ustalǵan kezde quqyq buzýshydan salmaǵy 32,6 kg balyq tárkilenip, memleketke 376 myń teńge shyǵyn keltirgeni anyqtaldy. Zańsyz balyq aýlaý faktisi qalalyq polısıada tirkeldi, al tárkilengen balyq arnaıy qabyldaǵyshqa ótkizildi – deıdi Qonaev qalasy PB JPQB TQT ınspektory Murat Qudaıbergenov.
Brakonerliktiń jolyn kesý boıynsha profılaktıka júrgizý – Almaty oblysynyń tabıǵı resýrstaryn qorǵaýdaǵy negizgi baǵyttardyń biri. Tabıǵatty qorǵaý polısıasy men basqa da múddeli qyzmetterdiń úılesimdi jumysynyń arqasynda balyq pen basqa da tabıǵı resýrstardy zańsyz alý jaǵdaılaryn jedel anyqtaýǵa jáne jolyn kesýde sebepker bolýda.