Bul - úsh aýysymdy oqýdy joıý úshin jasalyp jatqan jumys.
Oblysta 54 mektep úsh aýysymda jumys jasap tur, dep habarlaıdy Almaty-akshamy.kz.
Almaty oblysynyń ortalyǵy Qonaev qalasynda tuńǵysh ret tamyz konferensıasy ótti.
Aımaqtaǵy bilim salasynyń ókilderi basyn qosqan sharaǵa Qazaqstan Respýblıkasy Oqý-aǵartý mınıstri Asqat Aımaǵambetov qatysty. Elimizdiń bas ustazy óńirdegi muǵalimdermen ótken jıynda oblys ákiminiń salaǵa qatysty esebin tańdady.
Mınıstr qatysqan bul keńeste Almaty oblysynyń ákimi Marat Sultanǵazıev aǵymdaǵy jyly bilim salasynyń búdjeti 274,7 mlrd. teńgeni qurap, ótken jylmen salystyrǵanda 34 mlrd. teńgege artyp otyrǵanyn alǵa tartyp, bilim berý uıymdarynyń materıaldyq-tehnıkalyq bazasyn nyǵaıtýǵa 4,6 mlrd. teńge, oqýlyqtar men oqý-ádistemelik keshenderdi satyp alýǵa 2,7 mlrd. teńge bólingenin jetkizdi.
«2022 jylǵa jergilikti búdjet esebinen jańa modıfıkasıalyq kabınetter satyp alýǵa 1063,3 mlrd. teńge qarajat bólinip, jyl sońyna deıin 102 pán kabıneti satyp alynady»,- dedi oblys ákimi Marat Eleýsizuly.
Almaty oblysy - turǵyndar tyǵyz ornalasqan óńir. Mundaǵy demografıalyq ósim men ishki mıgrasıaǵa baılanysty jyl saıyn oqýshylar sany artyp keledi. Sondyqtan da, aımaqta úsh aýysymdy mektep sanyn azaıtý áli kúnge kún tártibinen túsken emes.
Óńirde 54 bilim uıasy úsh aýysymda jumys jasap tur.
«Oblystaǵy mektepterde 23 273 oqýshy orny tapshylyǵy bar. Búginde úsh aýysymda bilim berý men oqýshy oryndarynyń tapshylyǵyn joıý maqsatynda 2022-2025 jyldar aralyǵynda 62 mekteptiń qurylysyn salý josparlandy. 2022 jyly 20 bilim berý nysandarynyń qurylysy júrgizilýde, oǵan 39,0 mlrd. teńge bólindi»,- dedi Marat Eleýsizuly.
Aıta keteıik, bıyl 12 bilim berý nysanynyn qoldanysqa berý kózdelgen, onyń ishinde 8 mektep úsh aýysymda oqytýdy joıý úshin salynýda, 8 mekteptiń qurylysy 2023 jyly aıaqtalady.