Sý avtojolǵa jaıylǵan.
Qytaımen shekaralas Uıǵyr aýdanynda nóser jańbyr saldarynan úsh demalys ornynyń aýmaǵyn sý basyp qaldy, dep habarlaıdy Almaty-akshamy.kz.
Tótenshe jaǵdaılar departamentiniń málimetinshe, 13 shildede Almaty oblysynyń Uıǵyr aýdanyndaǵy «Shonjy-Qaljat» avtojolynyń 55 shaqyrymynda nóser jaýyn saldarynan keshki saǵat 18.00 shamasynda 5-10 sm betkeılik aǵyn paıda bolǵan. Sý avtojolǵa jaıylyp, úsh demalys ornynyń aýmaǵyn basyp qalǵan.
«Jaýyn-shashyn toqtady, sý deńgeıi tómendedi, sý tranzıttik rejımde ótip jatyr. Oqıǵa ornynda oblystyq tótenshe jaǵdaılar departamenti men jergilikti atqarýshy organdardyń qyzmetkerleri júr»,- delingen Almaty oblystyq tótenshe jaǵdaılar departamentiniń baspasóz qyzmetiniń habarlamasynda.