Qyzylshaǵa qarsy vaksınasıa balanyń 1 jáne 6 jasynda júrgiziledi.
Almaty oblysynda jyl basynan beri 1 myńnan astam adam qyzylsha aýrýyn juqtyrǵan, dep habarlaıdy Almaty-akshamy.kz
Oblystyq sanıtarlyq-epıdemıologıalyq baqylaý departamentiniń málimetinshe, syrqattanýshylyqtyń joǵary deńgeıi Qarasaı (137,2), Eńbekshiqazaq (114,1), Talǵar (70,5), İle (54,2) aýdandarynda tirkelgen.
"Aıta ketý kerek, syrqattanýshylyqtyń basym bóligin, ıaǵnı, 86%-yn 14 jasqa deıingi balalar quraıdy. Onyń ishinde, syrqattanýshylyqtyń 5 jasqa deıingi balalar arasynda taralý jıiligi 85%-dy (joǵary) qurady. Kásiptik quramyna kelsek, 56% uıymdastyrylmaǵan balalarǵa, 18% mektepke deıingi mekemelerdiń tárbıeshilenýlerine, 13% mektep oqýshylaryna,1% medısınalyq qyzmetkerlerge, al 12% basqa toptarǵa keledi", delingen habarlamada.
Aıta keteıik, qyzylshamen aýyryp jatqandardyń 85%-y ekpe almaǵandar ekeni belgili boldy.
"Qyzylshadan jalǵyz tıimdi qorǵanys – ol vaksınasıa. Elimizde qyzylshaǵa qarsy vaksınasıa balanyń 1 jáne 6 jasynda júrgiziledi. Qyzylshaǵa qarsy vaksınasıa úshin qyzamyq pen parotıtke qarsy komponentpen birikken vaksına qoldanylady", delingen Almaty oblystyq sanıtarlyq-epıdemıologıalyq baqylaý departamenti taratqan habarlamada.