Statısıkany jınaý memlekettik derekqorlarǵa kóship jatyr.
Bul týraly Ulttyq statısıka búrosy basshysynyń orynbasary Jannat Dýbırova málim etti, dep habarlaıdy Almaty-akshamy.kz
«Endi qaǵazben esep berý azaıady. Sonymen qatar statısıka joǵary sapaly jáne ári senimdi bolady. Búginde statısıkany aýdandar keıbir óńirler deńgeıinde egjeı-tegjeıli kórsetýde keri baılanys bar. Biz muny sandyq statısıkalyq regıstrge ótý arqyly jasaımyz. Derekterdi jınaý – óte kúrdeli proses. Ótken jyly 145 nysan boıynsha derekter jınaldy. Zańdy tulǵalar men jeke kásipkerler barlyq esepti qaǵaz túrinde tapsyrýy tıis boldy. Munyń bári kóp eńbek pen ýaqytty qajet etti», - dedi Jannat Dýbırova Astanada ótip jatqan DEMO DAY is-sharasy barysynda.
Onyń aıtýynsha, qazir statısıka jınaý memlekettik derekqorlarǵa kóship jatyr.
«Mysaly, veterınarlar janýarlar týraly málimetterdi júıeli túrde toltyrady. Buryn biz bul aqparatty aýdan ákimderinen qolmen jınaıtynbyz. Derekterdiń dýblájy boldy. Endi biz odan alystap, ákimshilik derekkózderge kóshemiz. Biraq bul úshin biz memlekettik derekter bazasyndaǵy derektiń sapasy óte joǵary deńgeıde ekendigine kóz jetkizýimiz kerek. Sondyqtan biz data-baqylaýshylar ınstıtýtyn iske qostyq, qazir memlekettik organdarmen jumys istep jatyrmyz», - deıdi ol.