Almaty oblysynyń polıseıleri zańsyz ań aýlaý faktisi boıynsha qylmystyq is qozǵady.
Oqıǵanyń mán-jaıyn muqıat zertteýge múmkindik beretin barlyq qajetti saraptamalyq tekserýler taǵaıyndaldy. Ustalǵandar zań aıasynda ýaqytsha ustaý ızolátoryna qamaldy, dep habarlaıdy aqshamnews.kz Polisia.kz-ke-ke silteme jasap.
Qazirgi ýaqytta qylmystyń barlyq mán-jaıyn anyqtaý úshin qosymsha tergeý júrgizilip jatyr.
Aıta ketsek, 26 qyrkúıek kúni saǵat 08:30-da Balqash aýdandyq polısıa bóliminiń qyzmetkerleri Almaty oblysy PD JPQB jáne “Ohotzooprom” RMQK birlesip jedel-izdestirý is-sharalaryn ótkizdi, nátıjesinde Birlik aýylynyń mańyndaǵy Qonaev – Baqanas – Qaraoı avtojolynda ÝAZ avtokóligin basqarǵan Jetisý oblysynyń 58 jastaǵy turǵyny ustaldy.
Kólik quralyn tekserý kezinde avtokóliktiń salonynan tirkelgen oıyq uńǵyly jáne tegis uńǵyly ańshylyq myltyq, sondaı-aq boljam boıynsha Qyzyl kitapqa engen qaraquıryq janýarynyń ushasy tabylyp, tárkilendi. Sonymen qatar kólikte úsh jolaýshy bolǵan. Anyqtaý barysynda olardyń ań aýlaýǵa lısenzıasy bolmaǵan.