Eskertkish Qazaqstan polısıasyna 30 jyl tolý merekesine oraı ornatylǵan.
Almaty oblysy boıynsha QAJ departamentine qarasty LA-155/12 mekemesi aýmaǵynda qyzmettik boryshyn atqarý kezinde qaza tapqan qyzmetkerlerge eskertkish ornatyldy, dep habarlaıdy Almaty-akshamy.kz Polisia.kz-ke silteme jasap.
Qazaqstan polısıasyna 30 jyl merekesi qarsanyńda Almaty oblysy boıynsha QAJ departamentine qarasty LA-155/12 mekemesinde qyzmettik boryshyn atqarý kezinde qaza tapqan qyzmetkerlerge arnalǵan eskertkishtiń ashylýy saltanatty túrde ótti.
İs-sharaǵa İİM QAJK ardagerler keńesiniń tóraǵasy Ihsat Dúsembın, Almaty qalasynyń QAJ ardagerler kenesiniń tóraǵasy Erǵalı Saǵalbaev, Almaty oblysy boıynsha QAJ ardagerleri, mamandandyrylǵan prokýratýra jáne Ulttyq ulan ókilderi, Ádilet departamentiniń jáne Tótenshe jaǵdaılar departamentiniń basshylyǵy, Almaty oblysynda qyzmette qaza tapqan QAJ qyzmetkerleriniń jaqyndary shaqyryldy.
Sonymen qatar QAJ departamentiniń jáne oǵan baǵynysty mekeme basshylyǵymen jeke quramy qatysty.
Merekelik shara QR Memlekettik Ánuranmen bastalyp, eskertkishke gúl shoqtaryn qoıý rásimi ótkizildi. Qyzmettik boryshyn atqarý kezinde qaza bolǵan qyzmetkerlerdi bir mınýt únsizdikpen eske aldy.
Saltanatty is-sharany ótkizý barysynda ozat qyzmetkerler İshki ister mınıstriniń, QAJ Komıtetiniń tóraǵasynyń jáne QAJD bastyǵynyń medaldarymen, tósbelgilerimen jáne gramotalarymen marapattaldy. Merekelik shara konserttik baǵdarlamamen jalǵasty.