Almaty oblysynda polısıa qyzmetkerleri 13 keliden astam marıhýana tárkiledi, dep habarlaıdy Aqshamnews.kz tilshisi Polisia.kz-ke siltem jasap.
"Qarasora-2025" respýblıkalyq jedel-profılaktıkalyq is-sharasy aıasynda oblystyq PD esirtki qylmysyna qarsy is-qımyl basqarmasy zańsyz esirtki saqtaýǵa qatysty qylmystyq is qozǵady.
Vedomstvonyń málimetinshe, EQQİQB men Jambyl aýdandyq krımınaldyq polısıa qyzmetkerleri Kyzylásker aýylynda 47 jastaǵy jergilikti turǵyndy ustaǵan. Sanksıalanǵan tintý kezinde qyzmettik ıtterdiń kómegimen onyń aýlasyndaǵy qorshaý boıynan erekshe ıisi bar 31 túp keptirilgen ósimdik tabyldy. Saraptama bul zattardyń jalpy salmaǵy 10 keli 680 gram bolatyn marıhýana ekenin anyqtady.
Sonymen qatar, úı ishinen polıetılen paket salynǵan polımer qap tabylyp, onyń ishindegi jasyl tústi ósimdik te marıhýana ekeni belgili boldy. Onyń salmaǵy - 2 keli 306 gram. Osylaısha, tárkilengen esirtkiniń jalpy salmaǵy 13 keliden asty.
Qazir bul derek boıynsha qylmystyq is qozǵalyp, kúdikti qamaýǵa alyndy. Ol óz kinásin moıyndaǵan.