"Qaırat" fýtbol klýby Chempıondar lıgasyna arnalǵan bıletter týraly resmı aqparatty jarıalady, dep habarlaıdy Aqshamnews.kz tilshisi.
Bıletter satylymy qashan ashylady?
"Qaırat" fýtbol klýby ÝEFA Chempıondar lıgasynyń jalpy kezeńindegi óz alańyndaǵy oıyndarǵa bıletter satý tártibi men merzimin jarıalady. Madrıdtik "Realǵa" qarsy machqa bıletter 23 qyrkúıekte saǵat 17:00-de satylymǵa shyǵarylady.
Sondaı-aq, "Qaırat" FK jarıalaǵan jazbada jankúıerler bir adamǵa tek 2 bıletten ǵana satyp ala alatyny, ol úshin JSN nemese tólqujat derekterin kórsetý qajet bolatyny atap ótilgen. Stadıonǵa kireberiste qujattar men bıletter muqıat jáne qatań tekseriletin bolady.
Bılet baǵasy qanshadan?
Bıletterdiń baǵasy 30 myńnan 250 myń teńgege deıin belgilengen. Klýbtyń atap ótýinshe, bul tarıfter ÝEFA-men kelisilgen jáne Chempıondar lıgasyndaǵy óz alańyndaǵy basqa machtar úshin de dál osyndaı baǵada saqtalady.
Al abonement ıegerleri aldyn ala satylymda qolaıly baǵada satyp ala alady. Sondaı-aq, bıletterdiń bir bóligi "Qaırat" FK bapkerleri men tárbıleenýshilerine jáne oıynshylaryna, parasportshylarǵa beriletini atap ótildi.