Almaty oblysynda jeńil kólik qaqqan bala mert boldy

Almaty oblysynda jeńil kólik qaqqan bala mert boldy Sýret: Almaty.tv

Jańalyq aýylynyń turǵyny búgin 11 jasqa tolar edi


Almaty oblysynyń Jańalyq aýylynda jeńil kólik  qaqqan 11 jastar balany mert boldy, dep habarlaıdy Almaty-akshamy.kz Almaty.tv-ge silteme jasap.


Qaıǵyly jaǵdaı keshe saǵat 17:00 shamasynda bolǵan. Tas joldyń júrginshiler jolaǵymen úıine qaıtyp kele jatqan balany jeńil kólik júrgizýshisi qaǵyp ketken. Aýyl turǵyndarynyń aıtýynsha, bala 200 metrge deıin ushyp ketipti. Oqıǵa kezinde mektep oqýshysy til tartpaı ketti.


Oqıǵanyń qalaı bolǵany áleýmettik jelide beıne jarıalandy. Kadrdan qoǵamdyq kóliktiń júrginshiler ótkeli janynda turǵanyn anyq ańǵarýǵa bolady. Ekinshi jolaqta kele jatqan jeńil kólik júrgirip ótken balany baıqamaı, joǵary jyldamdyqpen soǵyp ketedi.


Marqum bolǵan Mansur – úıdiń tuńǵyshy. Artynan ergen 2 inisi bar. Búgin onyń týǵan kúni eken. 11 jasyn merekeleýdiń orynyna jas otbasy balalarynan qapyda aıyrylyp, etegi jasqa tolyp otyr.



«Bulardyń kóship kelgenine eki jylǵa jýyqtady. Mansur óte keremet jigit. Meniń balalarymnyń dosy. Mansurdy qaqqan jerde meniń eki balamdy qaqqan. 2016 jyldan beri balalarymdy jylyna eki ret emdetip kelemin», – dedi  kórshisi Álıa Ótejanova.



Osydan 2 apta buryn dál osy jolda 15 jastaǵy balany kólik qaǵyp ketken. Ol da oqıǵa ornynda kóz jumypty. Basty sebep – jol boıynda baǵdarsham joq, jaryq baǵanasy isten shyqqan. Sol sebepti júrgizýshiler jyldamdyqty báseńdetpeıdi.  



«Aýylymyzda bir-aq mektep bar. Joldyń shyǵys bóliginde. Biraq myna batys jaqta kópbalaly analar kóp turady. Bala-shaǵa osy jaqtan joldan ótip mektepke keledi. Mindetti túrde sergek kerek, baǵdarsham kerek», – dedi Jańalyq aýylynyń turǵyny Shynar Súleımenova.



Aýyl turǵyndary jergilikti ákimdikke jol boıyna qaýipsizdik belgilerin kúsheıtýdi talaı jyldan beri aıtqan. Aýyl ákimdigi bul tek bir basqarmanyń sheshimimen qabyldanatyn sharýa emes dep máseleni sozyp kelgen kórinedi. Qazirdiń ózinde halyq talabynyń naqty qashan oryndalatynyn dóp basyp aıta almady.  



«Bul jerde proektiler bar, oblys tarapynan, bizdiń taraptan jasalatyn jumys bar. Ýaqytymen oryndalady ol. Qansha ýaqyt ketedi. Ony aıta almaımyn. Sebebi men tapsyrys berýshi emespin», – dedi  Qaınar aýyldyq okrýginiń ákimi Nurbolat Manappaev.



Almaty oblystyq polısıa departamentiniń habarlaýynsha, balany soqqan kúdikti ustalyp, qamaýǵa alynǵan. 24 jastaǵy júrgizýshige qatysty tergeý sharalary bastalyp ketken.



«Atalǵan derek QR Qylmystyq kodekstiń 345-baby, 3-tarmaǵy boıynsha tirkeldi. Aldyn-ala tergeý uıymdastyrylyp jytyr. Júrgizýshi qazirgi tańda ýaqytsha ustaý ızolátoryna qamaldy», – dedi  oblystyq polısıa departamentiniń anyqtaý basqarmasynyń bastyǵy Medet Aıazbaev.



Búgin Jańalyq aýylynyń shyǵys bóliginde turatyn 200 balany ata-analary mekteptke jibermeı qoıypty. Olar jolǵa qaýipsizdik belgilerin qoıyp, máseleni bir jaqty sheshpeıinshe balalalary sabaqqa barmaıtynyn jetkizdi. Al qapyda qaza bolǵan bala búgin jer qoınyna tapsyryldy.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:45

12:29

12:14

11:49

11:37

11:04

10:45

10:30

10:19

09:56

09:37

09:30

17:21

16:52

16:41

16:35

16:19

16:05

15:14

15:03

13:21

13:11

13:09

13:05

12:57