Pıter Maýrer óziniń qyzmetin joǵary baǵalaǵany úshin Qazaqstan Prezıdentine alǵys aıtty
Memleket basshysy BUU Bas Assambleıasy 77-sessıasynyń aıasynda Halyqaralyq Qyzyl Kres komıtetiniń prezıdenti Pıter Maýrermen kezdesý ótkizdi, dep habarlaıdy Almaty-akshamy.kz BORT №1 Telegram-arnasyna silteme jasap.
Júzdesýde Qazaqstan men Halyqaralyq Qyzyl Kres komıteti arasyndaǵy yntymaqtastyqty nyǵaıtý perspektıvalary qarastyryldy. Sondaı-aq halyqaralyq jáne óńirlik kún tártibindegi ózekti máseleler, sonyń ishinde Aýǵanstandaǵy gýmanıtarlyq jaǵdaı talqylandy.
Qasym-Jomart Toqaev qyzmetinen ketip jatqan Pıter Maýrerge uıymdy basqarǵan sońǵy on jylda tabysty jumysy men bizdiń elimizben yntymaqtastyqty nyǵaıtýǵa qosqan úlesi úshin rızashylyq bildirdi.
Pıter Maýrer óziniń qyzmetin joǵary baǵalaǵany úshin Qazaqstan Prezıdentine alǵys aıtty.
Halyqaralyq uıym tóraǵasy Qasym-Jomart Toqaev basshylyǵymen elde júzege asyrylyp jatqan aýqymdy reformalardyń mańyzdylyǵyn jáne Halyqaralyq Qyzyl Kres komıtetimen yntymaqtastyqty damytýǵa qosqan úlesin atap ótti.