Almaty qalasy, Almaty jáne Jetisý oblystarynyń QAJD qyzmetkerleri Jetisý oblysynyń PD EQİQB jáne UQKD-men birlesip qarý-jaraq saqtalǵan oryndy tapty, – dep habarlaıdy Almaty-akshamy.kz.
Polisia.kz-tiń málimeti boıynsha Almaty qalasy, Almaty jáne Jetisý oblystary boıynsha QAJD-ǵa qarasty №14 mekeme qyzmetkerleriniń jedel aqparaty boıynsha “Qarý” respýblıkalyq jedel aldyn alý is-sharasy aıasynda qarý-jaraq ornalasqan jerdi anyqtady. Bólshektelgen kúıdegi Beretta ańshylyq tegis uńǵyly myltyq, Kalashnıkov avtomatyna arnalǵan ishinde patrondary bar oqjatar jáne qara tústi bronjelet Jetisý oblysynyń Sarqan aýdanyndaǵy Lepsy kentiniń jol aıryǵynyń janyndaǵy aryqtan tabyldy.
– Bul fakt Jetisý oblysy PD Sarqan qalalyq polısıa bóliminde tirkelgen. QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha qylmystyq is qozǵaldy. Balıstıkalyq saraptama taǵaıyndaldy, – dep atap ótti mekeme bastyǵy Ulan Arǵynbaev.
Esterińizge sala keteıik, buǵan deıin №14 mekeme QAJ qyzmetkerleri tórt qarý ornyn anyqtaǵan bolatyn.