Jel elektr stansıasynyń jalpy quny - 12,67 mlrd teńge.
Almaty oblysynyń Shelek dálizinde qýattylyǵy jylyna 50 MVt bolatyn jańa jel elektr stansıasy (JES) iske qosyldy, dep habarlaıdy Almaty-akshamy.kz
Jobany mamandarynyń jańartylatyn energıa kózderi (JEK) salasyndaǵy uqsas jobalardy iske asyrý jáne iske qosýda 10 jyldan astam tabysty tájirıbesi bar qazaqstandyq «Jeruıyq-Energo» JSHS kompanıasy júzege asyrdy.
Jańa jel elektr stansıasy elektr qýatynyń tapshylyǵyn azaıtýǵa kómektesedi dep boljanýda. Joba aıasynda danıalyq VESTAS kompanıasy shyǵarǵan ozyq tehnologıalar men jabdyqtardy paıdalana otyryp, 25 munara ornatyldy. Kompanıa 75 jyldan astam tájirıbesi bar JEK naryǵyndaǵy álemdik kóshbasshylardyń biri bolyp tabylady.
Jel elektr stansıasynyń jalpy quny - 12,67 mlrd teńge. Qurylys 2019 jyly bastalǵanymen, biraq pandemıanyń kesirinen qurylys toqtatyldy. Jumys 2021 jyly jalǵasty – kompanıa bekitilgen óndiristik kestege sáıkes qurylymdardyń qurylysyn jáne basqa da jumystardy belsendi túrde jalǵastyrdy.
Joba Energetıka mınıstrliginiń energıa óndirýshi uıymdarynyń tizimine engizilgen.
Aıta ketý kerek, KAZAKH INVEST kómegimen «Jeruıyq-Energo» preferensıalar alý úshin ınvestısıalyq kelisimshartqa qol qoıdy.
Bul jobany júzege asyrý aıtarlyqtaı qosymsha energıa óndirýshi qýattardy iske qosý arqyly Almaty oblysynda elektr energıasynyń tapshylyǵyn azaıtýǵa múmkindik beredi.