Almaty oblysynyń polıseıleri shamamen segiz myń bir rettik doza bolatyn sıntetıkalyq esirtkini zańsyz aınalymnan alyp tastady.
18 qazan kúni jedel-izdestirý is-sharalaryn júrgizý barysynda Almaty oblysy PD EQQİQB qyzmetkerleri Eńbekshiqazaq aýdany PB KPB-men birlesip, Báıterek aýylynan 45 jastaǵy er adamdy ustady . Onyń úıin tintý barysynda ishinde untaq tárizdi erekshe ıisti zaty bar 5 polıetılen paket tabylyp, tárkilendi, dep habarlaıdy Almaty-akshamy.kz Polisia.kz-ke silteme jasap.
Saraptama nátıjeleri boıynsha tárkilengen zat qarapaıym adamdar arasynda “jyldamdyq” dep atalatyn Álfa PVP sıntetıkalyq esirtkisi bolyp shyqty. Al jalpy salmaǵy shamamen 3 kelini qurady. Aıta ketý kerek, arnaıy is-shara barysynda polısıaǵa belgisiz er adamnyń esirtki zattaryn asa iri mólsherde saqtaýmen aınalysatyny týraly aqparat kelip túsken.
«Atalǵan derek QR QK-niń 296-babynyń 2-bóligi boıynsha Eńbekshiqazaq aýdandyq polısıasynda tirkeldi. Túpkilikti prosestik sheshim qabyldaý úshin saraptamalyq tekserýler taǵaıyndaýmen barlyq qajetti tergeý áreketteri júrgizilip jatyr», – dedi Almaty oblysy PD bastyǵy Baýyrjan Álenov.
QR QİJK-niń 201-baby sheńberinde ózge aqparat jarıa etýge jatpaıdy.