Ańshy myltyǵyn kezengen er adam dúkennen ishimdik talap etken
Almaty oblysynda er adam syra dúkenine qarýmen shabýyl jasady, – dep habarlaıdy Polisia.kz.
26 qarasha kúni Qarasaı aýdandyq polısıa bólimine Almalybaq kentiniń dúkenderiniń birine qarýly shabýyl jasalǵany týraly habarlama kelip tústi. Qońyraýǵa jetken jedel-tergeý toby shynymen qarýlanǵan er adamnyń syra quıý dúkenine kirip, ańshy myltyǵymen satýshyny qorqytyp, ishimdik talap etkenin anyqtady, dep habarlaıdy Almaty-akshamy.kz Policia.kz saıtyna silteme jasap.
Dúken qyzmetkerleri óz kúshterimen tártip buzýshy 54 jastaǵy jergilikti turǵyndy ustaǵan. Buzaqyny ustaý kezinde myltyqtan ózdiginen oq atylyp, qabyrǵaǵa tıgen. Oqıǵaǵa qatysýshylardyń eshbiri zardap shekken joq.
Masań kúıdegi er adamnyń buryn syra dúkenine kirip, satýshylardyń birimen janjaldasyp qalǵany jáne keıin ol 12-kalıbrli ańshylyq myltyqpen qarýlanyp, dúkenge qaıta oralyp, syra talap etkeni belgili boldy. Janjal kezinde satýshy kelýshini zalalsyzdandyryp, sodan keıin polısıa shaqyrǵan.
Derek QR QK-niń 293-baby 3-bóliginiń 2-tarmaǵy boıynsha tirkeldi. Qarý tárkilenip, zattaı dálel retinde qylmystyq iske tirkeldi. Ózge aqparat, QR QİJK-niń 201-babyna sáıkes, tergeý múddesine saı jarıa etilmeıdi.