Almaty oblysynda oqýshy sany 300-den asatyn mektepter onlaın oqıdy
Almaty oblysynda oqýshy orny 300-den joǵary mektepter onlaın oqıdy, dep habarlaıdy Almaty-akshamy.kz QazAqparatqa silteme jasap.
«Mektep oqýshylary 17 qańtarǵa deıin demalysta. 17 qańtardan keıin 300 orynǵa deıingi mektepter shtattyq rejımde jumys isteıdi. Oqýshy orny 300-den joǵary mektepterde oqytý onlaın rejımde júrgiziledi»,- delingen vedomstvonyń Feısbýk paraqshasyna jarıalaǵan habarlamasynda.
Balabaqshalar 17 qańtarǵa deıin jumysyn ýaqytsha toqtatty. 17 qańtardan keıin ata-analardyń ótinishi boıynsha qyzmet kórsetedi.
Vedomstvonyń aqparatyna sáıkes, tómendegi nysandar kórsetilgen ýaqyt boıynsha jumys isteıdi. Taldyqorǵan qalasynda iri jáne shaǵyn saýda oryndary men bazarlar, dárihanalar saǵat 09.00-den 20.00-ge deıin qyzmet kórsetedi. Ákimdiktiń baspasóz qyzmetiniń málimetinshe, halyqqa qajetti azyq-túlik, dári-dármek jetkilikti.
"Jedel járdem" qyzmeti úzdiksiz jumys istep tur. Janar-jaǵarmaı quıý beketteri ashyq. Ekinshi deńgeıli bankter iske kiristi. Bankomattarda qolma-qol aqsha jetkilikti. Halyqqa qyzmet kórsetý ortalyqtary saǵat 9.00-den 18.00-ge deıin jumysqa kiristi", - dep tolyqtyrdy atalǵan vedomstvonyń baspasóz qyzmetinen.
Aıta keteıik, Almaty oblysynda koronavırýs juqtyrǵandardyń sany ótken táýlikte kúrt ósti. 257 adamnan atalǵan indet anyqtaldy.