Komısıa uıymdastyrylyp, shyǵyndar eseptelýde.
Qatty jaýynnyń saldarynan Almaty oblysynyń Kegen aýdanyndaǵy Túmenbaı aýylynda birneshe úıdiń aýlasyn sý basty, dep habarlaıdy Almaty-akshamy.kz aýdandyq ákimdiktiń baspasóz qyzmetine silteme jasap.
«23 maýsym kúni saǵat 17-40-da shamasynda Kegen aýdany, Túmenbaı aýylynda nóser jańbyr saldarynan aýyl ishi kóshelerin taýdan aqqan sý basty. Taý sýy 1 turǵyn úı kirgen jáne 11 úıdiń aýlasyn basqan. Oqıǵa ornyna aýdan ákimi, Kegen aýyldyq okrýginiń ákimi, tótenshe jaǵdaılardyń aldyn alý bóliminiń qyzmetkerleri bardy. Tótenshe jaǵdaıdyń saldaryn joıýǵa birneshe tehnıka jumyldyryldy. Adamdar zardap shekpegen», - delingen Kegen aýdany ákimdiginiń baspasóz qyzmeti taratqan habarlamada.
Qazir komısıa uıymdastyrylyp, turǵyn úıler men aýlalarǵa kelgen shyǵyndar eseptelýde.