Óńirdiń prokýrorlary Kegen aýdany Tuıyq aýylyndaǵy ken ornynan ónerkásiptik qaýipsizdik normalaryn buzý deregin anyqtaǵan.
Tekserý barysynda shahta bekinisteri zaqymdanǵany jáne adam ómirine asa qaýipti ekenini belgili boldy, dep habarlaıdy Almaty-akshamy.kz
Sondaı-aq, ken óndirýshi kompanıanyń jobalaý qujattary men bekitý materıaldarynyń pasporttarynda aýytqý baıqalǵan. Keıbir tıisti qaǵazdar múldem joq bolyp shyqqan. Zań buzǵan mekeme 25 kenshiniń ómiri men densaýlyǵyna qaýip tóndirgen. Osyǵan baılanysty quzyrly organ ókilderi ákimshilik is qozǵap, olqylyqtardy qalpyna keltirgenshe shahtanyń jumysyn toqtatqan.