Qarasaı aýdanyndaǵy alǵashqy kadet synyptary Qaskeleń qalasyndaǵy Belınskıı orta mektebinde ashyldy.
Alǵash ret Almaty oblysynda kadet synyptary 2017 jyly ashylǵan. Tájirıbe kórsetkendeı, balalardyń úlgerim deńgeıi aıtarlyqtaı ósti. Oń nátıjeler arnaıy pánder boıynsha da baıqaldy.
Nátıjesinde óńirde kadet synyptarynyń tanymaldyǵy artty. Bul Almaty oblysynyń basqa aýdandarynda kadet synyptarynyń analogtaryn qurý týraly halyq tarapynan suranysqa ıe boldy.
«Kadet synyptarynyń ashylýy áskerı-patrıottyq tárbıeni arttyrýda erekshe ról atqarady, óıtkeni ar-namys, qadir-qasıet jáne tártip sıaqty uǵymdar jas polıseıler úshin ómirlik ustanymǵa aınalady», – dep atap ótti Almaty oblysy PD bastyǵy Baýyrjan Álenov.
Sonymen qatar İİO qyzmetkerlerine qyzmettik boryshyn óteý kezinde qaza tapqandardyń eske alý qurmetine eskertkish, jáne qaraqshylyq shabýyl jasady dep kúdiktini ustaý kezinde erlikpen qaza tapqan mılısıa kapıtany Vıktor Ivanovqa, óńirdiń quqyqtyq tártip organdarynyń qalyptasýy men damýyna eleýli úles qosqany úshin polısıa polkovnıgi Arystanbek Kısıkovqa arnalǵan memorıaldyq taqta saltanatty túrde ashyldy.
«Tártip saqshylary zańdylyq pen quqyqtyq tártipti kúzetýde, kóbinese qyzmettik boryshyn óteý kezinde qaza tabady. Biz beıbit turǵyndardyń quqyqtyq tártibi men tynyshtyǵyn saqtaý úshin ómir syılaǵan qazirgi zamannyń batyrlaryn qurmetteımiz jáne esimizde saqtaımyz», – dep túıindedi B. Álenov.