Qonaev qalasynda uıymdastyrylǵan týrnırge elimizdiń 5 oblysynan 30-ǵa jýyq palýan qatysty.
«Tolaǵaı» alyptar jarysynda kil myqtylar salmaǵy 10 kılogramm bolatyn naızany laqtyrý, jýandyǵy 15 mıllımetrlik shoıyn temirdi moıynǵa salyp maıystyrýdan kúsh synasty, dep habarlaıdy Almaty-akshamy.kz.
Sondaı-aq salmaǵy 141 keli bolatyn aýyr tasty kóterip alyp júrýden, sondaı-aq 500 keli júk tıelgen arbany súıreýden synǵa tústi. Basty shart - jattyǵýdy eki mınýtta oryndaý qajet. Úmitkerlerdiń arasynda áýesqoılar ǵana emes, álemdik arenalarda el namysyn qorǵap júrgen kásipqoı sportshylar da bar. Bul saıysty bolashaqta halyqaralyq deńgeıde ótkizý josparda bar. Basty maqsat - salaýatty ómir saltyn nasıhattap qana qoımaı, qazaq batyrlaryn tanymal etý.
«Qajymuqan atamyzdy bilesizder, osylardyń barlyǵyn jasaǵan. 52 memlekette 48 altyn medal alǵan bizdiń babamyzdyń eńbegi qazirgi tańda jastarǵa nasıhat. Úıde telefondy shuqylap otyrǵan jastar osylardy kórý kerek. Álemdegi «Strogmen» degen jarystar bar. Amerıkada «Arnold» degen jarystarda qazaqtyń jigitteri kók týdy jelbiretip shyqsa eken degen armanymyz bar», - dedi joba avtory Tımýr Dáýletbaquly.