Ispanıada maımyl sheshegin juqtyrýdyń 5 myńnan astam jaǵdaıy tirkeldi.
Ulttyq epıdemıologıalyq qadaǵalaý jelisiniń derekteri boıynsha 5162 jaǵdaı belgili. Madrıdte 1817 adam juqtyrdy, Katalonıada 1636 azamat aýyryp qaldy, Andalýsıada 632 adam maımyl sheshegin juqtyrdy, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń Telegram kanalyna silteme jasap.
Ispanıada bul aýrýǵa qarsy vaksınasıalaý júrgizilýde. Vaksınasıa qaýip tobyndaǵy adamdarǵa jasalady, shamamen 5 myń doza taratyldy.
Ulybrıtanıada maımyl sheshegine qarsy vaksına jetispeıdi. Qorlar eki-úsh aptadan keıin taýsylady.
AQSH-taǵy jaǵdaı uqsas jáne bul naýqastanǵandar sany eń kóp el. Máselen, San-Fransıskoda vaksınasıa ortalyǵynda adamdar birneshe saǵat turady. Qalada vırýs juqtyrǵandar sanynyń ósýine baılanysty tótenshe jaǵdaı engizildi. Eń aldymen, qaýip tobyndaǵy adamdar: medısına qyzmetkerleri men dástúrli emes jynystyq baǵdardaǵy er adamdarǵa vaksınasıa jasalady.
"Men munda tańǵy saǵat 7:30-da keldim jáne úsh jarym saǵat boıy turmyn. Jaqynda meniń kezegim keledi dep úmittenemin. Men munda ótken aptada keldim, maǵan vaksına búgin bolady dep aıtty. Sondyqtan men aýrýdan qorǵanyshty alý úshin keldim", - dedi jergilikti turǵyn.
Fransıada aýrý órshigen ýaqyttan beri maımyl sheshegin juqtyrýdyń 2,6 myńnan astam jaǵdaıy tirkelgen.
Bir apta ishinde Fransıada osy ınfeksıanyń 362 jaǵdaıy anyqtaldy. Maımyl shesheginiń rastalǵan jaǵdaılarynyń 99%-y eresek er adamdarda anyqtaldy.
Sonymen qatar, Fransıada koronavırýstyń taralýy jalǵasýda. 812 adam COVID-19-ben aýrýhanaǵa jatqyzyldy, 87 adam qaıtys boldy.