Asa qaýipti aýrýlardyń 3 qolaısyz oshaǵy tirkeldi
Almaty oblysynyń aýmaǵynda janýarlardyń 16 túrli asa qaýipti aýrýlaryna qarsy veterınarıalyq-profılaktıkalyq sharalar júrgizilýde. Búgingi kúnge deıin 5 556 093 bas mal egildi, dep habarlaıdy Almaty-akshamy.kz.
Oblystyq veterınarıa basqarmasynyń basshysy Nurtas Qıalbekovtyń aıtýynsha, brýselez aýrýyna 212 660 bas iri qara men 317 869 bas usaq mal zerttelip, 229 bas iri qara men 72 bas usaq maldan aýrý anyqtalǵan.
«Jyl basynan janýarlardyń asa qaýipti aýrýlardyń 3 qolaısyz oshaǵy tirkeldi. Onyń biri Eńbekshiqazaqta jáne Jambyl aýdanynda 2 oshaǵy anyqtaldy. Qazirgi ýaqytta, 1 oshaq saýyqtyrylyp, qalǵan oshaqtarda saýyqtyrý sharalary júrgizilýde»,- dedi Nurtas Qıalbekov.
Mamandardyń sózine súıensek, aýrýǵa shaldyqqan maldar qaıta óńdeý oryndaryna sanıtarlyq soıýǵa ótkizilip, mal ıelerine naryqtaǵy baǵanyń 30 paıyzy kóleminde ótemaqy tólendi.