Jelide Almaty oblysynyń taýlarynda belgisiz beıkerlermen qaqtyǵysy túsirilgen beıne tarady, dep habarlaıdy almaty-akshamy.kz.
Beıne kadrlaryna qaraǵanda, aldymen atqa mingen agressıvti er adam baıkerlerdi qamshymen urady. Olardyń biri shópte demalyp otyrǵan. Motosıkl júrgizýshileri oǵan qarsy minez kórsentpeıdi. Aradaǵy jan-jaldy sózben toqtatqysy kelip: «biz júrip jatqan joqpyz. Toqta!», deıdi.
Keıinirek bul jerge taǵy birneshe er adam keledi. Bireýiniń qolynda qarý bar. Olar birden motosıkldegi jigitterge agresıa kórsetedi. Júgirgen qalpy ekeýi motosıkl júrgizýshileriniń birine sekirip qulatady. Sóıtip soqqyǵa alady. «Toqta... Kóp bolyp urýdy toqtat...» dep sózben jaǵdaıdy sheshpek bolǵan baıkerlerdiń biri aq jeıde kıgen er adamnan soqqy aldy.
Almaty oblysynyń polısıa departamenti atalǵan fakti boıynsha qylmystyq is qozǵalǵanyn habarlady.
«14 shildede Almaty oblysy Qarasaı aýdanynyń polısıasyna áktas taýlarynda bir top adamǵa belgisiz adamdar shabýyl jasaǵany týraly aryz kelip tústi. Jábirlenýshi shabýyldaýshylar ony jáne onyń dostaryn jaıylyp júrgen maldardy úrkitti dep aıyptaǵanyn, sodan keıin qamshymen uryp, qarýmen qorqytqanyn habarlady. Qazirgi ýaqytta osy fakti boıynsha qylmystyq is qozǵaldy. Shabýyldaýshylardy ustaý boıynsha jedel-izdestirý sharalary júrgizilýde», - dep habarlady vedomstvodan.