Olımpıadaǵa qatysýshylardyń júlde qory 24 mıllıon teńge jáne 4 páter.
Olımpıada júldegerlerine 3 bólmeli páter men aqshalaı syıaqy berildi, dep habarlaıdy aqshamnews.kz
Parıjdegi olımpıadaǵa qatysýshylardy oblys ákimi Marat Sultanǵazıev jeke quttyqtap, oblys kásipkerleri atynan baǵaly syılyqtar tabys etti.
"Aımaq kásipkerleri halyqaralyq jarystarda týǵan óńiriniń namysyn qorǵap júrgen daryndy sportshylardy qoldaýǵa árqashan daıyn. Biz sizdermen maqtanamyz, sizderdiń medaldaryńyz – bul jaı ǵana sporttyq júldeler emes, olar – batyldyqtyń, qaısarlyqtyń jáne Otanǵa degen sheksiz súıispenshiliktiń naǵyz úlgisi", -dedi Marat Sultanǵazıev.
Óńir basshysy Almaty oblysynyń kásipkerleri atynan Olımpıadanyń kúmis júldegeri Demeý Jadyraevqa 10 mıllıon teńgeniń sertıfıkaty men úsh bólmeli páterdiń kiltin tabys etti.
Qola júldeger Nazym Qyzaıbaıǵa da 3 bólmeli páterdiń kilti men 2 mıllıon teńgeniń sertıfıkaty tabys etildi.
Sportshylardyń jattyqtyrýshylary da Jumaqan Turǵanbekov pen Boranbek Qońyratov óńirlik kásipkerlerden 2 mıllıon teńgeniń sertıfıkaty men eki bólmeli páterdiń kiltin aldy.
Sonymen qatar, Almaty oblysynyń ákimi Parıjdegi Olımpıada oıyndaryna qatysýshylarǵa kásipkerler atynan 2 mıllıon teńgeniń sertıfıkattaryn tabys etti:
Edýard Eshenko (stend atý), Qazaqstan Respýblıkasynyń halyqaralyq sport sheberi, Azıa oıyndary men álem kýbogynyń jeńimpazy;
Ásem Orynbaı (stend atý), Qazaqstan Respýblıkasynyń halyqaralyq sport sheberi, Azıa oıyndary men álem kýbogynyń jeńimpazy;
Marıa Dmıtrıenko (stend atý), Qazaqstan Respýblıkasynyń halyqaralyq sport sheberi, Qazaqstan Respýblıkasynyń jáne halyqaralyq týrnırlerdiń birneshe dúrkin chempıony, álemniń, Azıa kýbogynyń jáne Azıa oıyndarynyń eki dúrkin qola júldegeri;
Nıkıta Chırúkın (atý), Qazaqstan Respýblıkasynyń halyqaralyq sport sheberi, Qazaqstan Respýblıkasynyń jáne halyqaralyq týrnırlerdiń birneshe dúrkin chempıony, álem jáne Azıa chempıony, Álem kýbogy men Azıa oıyndarynyń qola júldegeri.