Almaty oblysynyń turǵyny Asy jaılaýynda ótken merekelik sharadan keıin qaıtys boldy, dep habarlaıdy Almaty-akshamy.kz.
Almaty oblysy ákimdiginiń baspasóz qyzmetiniń málimetinshe, 30 maýsymda Eńbekshiqazaq aýdanynda jyl saıynǵy dástúrli Agro-Business Forum Assy-2023 forýmy ótken.
İs-shara aıaqtalǵannan keıin forýmǵa qatysýshylardyń biri ózin nashar sezingen. Taýda kezekshilikte bolǵan feldsherler oǵan shuǵyl medısınalyq kómek kórsetken, alaıda er adam esine kelmesten qaıtys bolǵan,-dep jazdy BAQ.KZ.
Almaty oblysynyń ákimdigi marqum Báıterek aýyldyq okrýgi ákimi apparatynda bas maman bolyp jumys istegenin habarlady. Sol kúni ol merekelik sharaǵa demalýshy retinde barǵan.
Asy ústirti – teńiz deńgeıinen 2800 metrden astam bıiktikte ornalasqan jaılaý.
Ákimdik osy jaıt qyzmetkerdiń haliniń nasharlaýyna sebep bolýy múmkin dep boljap otyr.
Áriptestiń qazasy – ujym úshin orny tolmas qaıǵy. Marqumnyń otbasyna materıaldyq kómek kórsetiledi, - Almaty oblysy ákimdiginiń baspasóz qyzmeti