Almaty - bul reıtıńke engen aımaqtaǵy jalǵyz qala.
The New York Times jańa jylda kórýge bolatyn álemdegi 52 orynnyń dástúrli tizimin jarıalady.
Týrızm jáne sport mınıstrliginiń resmı telegram-kanalynyń málimetinshe, tanymal basylymnyń nusqasy boıynsha Almaty tizimde 25 orynda tur, dep habarlaıdy Almaty-akshamy.kz.
«Almaty eki mıllıon halqy bar Qazaqstannyń eń iri qalasy bola tura, beıbit, biraq belsendi shahar áserin qaldyrady. Almatynyń mádenı ortalyq retindegi mártebesi onyń gastronomıalyq ómirinde aıqyn kórinedi. Un, sý jáne etke negizdelgen «neo-nomadtar» asqanasy gıper-zamanaýı stılde usynylǵan; ony AUYL nemese TÖR restorandarynda kóre alasyz. Lanzhou Noodle meıramhanasy qytaı taǵamdaryn, al Sensilyo Coffee nemese JumpinGoat kafeleri - keremet kofe usynady. Kók bazardaǵy jemister men jańǵaqtardy tamashalańyz, sodan keıin jaqynda keńestik dáýiri ǵımaratynda ashylǵan úlken azyq-túlik bazarynda PlatformA-ǵa baryńyz», - delingen redaksıa habarlamasynda.
«Qazaqstan sońǵy jyldary álemdik BAQ reıtıńine jıi iligip keledi jáne New York Times tizimine ený týrıserdiń bizdiń elimizge degen qyzyǵýshylyǵynyń artyp kele jatqanyn anyq bildiredi», - QR Týrızm jáne sport vıse-mınıstri Erjan Erkinbaev.
Buǵan deıin 2017 jyly Qazaqstan EKSPO-2017 kórmesi qarsańynda osy tizimge engizilgen bolatyn.