Birneshe óńirde maman tapshy.
Jumys berýshiler tehnologtarǵa (orta eseppen 954 myń teńgeden bastap), uńǵymalarǵa qyzmet kórsetý jónindegi ınjenerlerge (800 myń teńgeden bastap) jáne júıelik sáýletshilerge (700 myń teńgeden bastap) eń joǵary jalaqy mólsherin usyndy, dep habarlaıdy Almaty-akshamy.kz
Byltyrǵy jeltoqsanda Elektrondyq eńbek bırjasynda 119,6 myń bos jumys orny jáne 59,2 myń túıindeme jarıalandy. Qarashamen salystyrǵanda suranys 10 %-ǵa ósken (+10,6 myń bos oryn), al usynys 23 %-ǵa qysqarǵan (-17,8 myń túıindeme).
Eń bek jáne halyqty áleýmettik qorǵaý mınıstrliginiń málimetinshe, jeltoqsanda negizgi suranys basqa qyzmet túrleriniń kásiporyndary (16,8 myń bos jumys orny), aýyl sharýashylyǵy (13,9 myń bos jumys orny) jáne negizgi jáne orta bilim berý uıymdary (6,8 myń bos jumys orny) esebinen qalyptasty, olar jıyntyǵynda barlyq ornalastyrylǵan bos jumys oryndarynyń úshten birinen astamyn quraıdy.
«Suranystyń jalpy ósýine qaramastan, birqatar óńirlerde onyń qysqarýy baıqalady. Máselen, Aqmola oblysynda jarıalanǵan bos jumys oryndarynyń sany bir aıda 41%-ǵa (-2,2 myń), Qaraǵandy oblysynda – 29 %-ǵa (-2,5 myń bos jumys orny) qysqardy. Kerisinshe, suranystyń ósýi negizinen ońtústik óńirlerde baıqaldy. Bos oryndar sanyn ulǵaıtý boıynsha aldyńǵy qatarda Qyzylorda oblysy tur, onda bos oryndar sany 152 %-ǵa ósken, 4,4 myń bos oryndy quraıdy. Óz kezeginde, usynys barlyq derlik óńirde azaıdy. Ońtústik óńirler boıynsha birshama azaıǵany baıqalady, kóbine Shymkent qalasy boıynsha túıindeme sany (44 %-ǵa nemese 1,9 myńǵa) qysqarǵan», – dedi Eńbek resýrstaryn damytý ortalyǵynyń AQ Strategıa jáne úlken derekterdi taldaý departamentiniń bas sarapshysy Madıar Aldıarov.
Biliktiligi joq kadrlarǵa suranystyń ósýi aıasynda bilikti mamandarǵa tapshylyq birneshe óńirlerde oryn aldy, onyń ishinde Soltústik Qazaqstan (2,2 myń bos jumys orny jáne 655 túıindeme), Shyǵys Qazaqstan (3,5 myń bos jumys orny jáne 1,2 myń túıindeme) jáne Qaraǵandy oblystary (4,5 myń bos jumys orny jáne 2,5 myń túıindeme), sondaı-aq Almaty qalasy 9,8 myń bos jumys orny jáne 5,3 myń túıindeme).
Suranystyń usynystan jalpy basymdylyǵyna qaramastan, jeltoqsan aıynda zańgerler (214 bos jumys orny jáne 846 túıindeme), dene shynyqtyrý jáne sport muǵalimderi (112 bos jumys orny jáne 425 túıindeme) jáne bastaýysh synyp muǵalimderi (151 bos jumys orny jáne 442 túıindeme) aıtarlyqtaı asyp tústi.
Ornalastyrylǵan túıindemelerdiń jartysy 16 men 35 jas aralyǵyndaǵy jastarǵa (29,9 myń), 27 % (15,9 myń) – orta jastaǵy (44 jasqa deıingi) úmitkerlerge tıesili boldy, al barlyq túıindemelerdiń tek 6 %-yn (3,8 myń) zeınetkerlikke deıingi jastaǵy adamdar ornalastyrdy.
«Qarashada jumys berýshiler ónerkásiptiń bas tehnologtaryna (orta eseppen 954 myń teńgeden bastap), uńǵymalarǵa qyzmet kórsetý jónindegi ınjenerlerge (800 myń teńgeden bastap) jáne júıelik sáýletshilerge (700 myń teńgeden bastap) eń joǵary jalaqy mólsherin usyndy. Óz kezeginde, uńǵymalarǵa qyzmet kórsetý jónindegi ınjenerlerden (orta eseppen 1,5 mln teńgeden bastap), burǵylaý jónindegi sýpervaızerlerden (1,1 mln teńgeden bastap) jáne ónimdi ázirleý jónindegi basshylardan (935 myń teńgeden bastap) eń joǵary jalaqyǵa suranys boldy», - deıdi sarapshy.
Osylaısha, jeltoqsan aıynda jyl aıaqtalýyna jáne jumys berýshiler tarapynan kadrlyq belsendiliktiń tómendeýine baılanysty jumys berýshilerdiń bilikti kadrlarǵa ortasha qyzyǵýshylyǵy baıqaldy. Jumys izdeýshiler de jumys izdeýdi qolaıly sátke deıin keıinge qaldyrýdy jón kórip, osyndaı belsendilik tanytty.