Jolaýshylarǵa jolaqyny tóleý yńǵaıly bolmaq
Almaty metropolıteninde týrnıketterdi jańartý jumystary bastaldy: 2025 jyldyń kúzine qaraı jolaýshylar jolaqyny tikeleı kireberiste – Apple Pay, Google Pay nemese Samsung Pay servısi bar bank kartasyn nemese smartfondy qurylǵyǵa tıgizý arqyly tóleı alady.
Buǵan deıin bank kartasymen kasa arqyly nemese arnaıy bir týrnıket arqyly ǵana tóleýge bolatyn. Endi barlyq bekettegi týrnıketter baılanyssyz tólem júıesimen jabdyqtalady. Bul jolaýshylardyń ótý úderisin edáýir jedeldetip, jol júrýdi áldeqaıda yńǵaıly etedi.
Bul jańashyldyq kólik kartasyn qoldanbaıtyn nemese jeton satyp alýǵa ýaqyt joǵaltqysy kelmeıtinder úshin óte qolaıly. Endi kezekte turýdyń qajeti joq – tek kartańyz nemese smartfonyńyz bolsa jetkilikti.
Infraqurylymdy jańartý – qalalyq qoǵamdyq kólik sapasyn arttyrýǵa jáne jolaýshylardyń, sonyń ishinde almatylyqtar men qala qonaqtarynyń jaılylyǵyn arttyrýǵa baǵyttalǵan.