Almaty-akshamy.kz saıtynda búgin jaryq kórgen jańalyqtar – kún kerýeni
Almaty men Qytaıdyń arasy jaqyndaı túsedi
Qalamyzdan Qytaıǵa deıin týrısik poıyz qatynaıtyn boldy. QTJ «Jolaýshylar tasymaly» AQ ókilderi men Sıan qalasynyń (QHR) úkimetiniń delegasıasy Sıan qalasynan Almatyǵa halyqaralyq týrısik jolaýshylar poıyzyn shyǵarýdy uıymdastyrý máselesin talqylady. Týrısik poıyz Úrimshi – Almaty-2 baǵytyndaǵy №103/104 jolaýshylar poıyzynyń kestesi boıynsha «Qorǵas-Altynkól» shekara ótkelinen ótedi.
Beıjińge áýe reısteri de kóbeıedi
Kólik mınıstrligi Azamattyq avıasıa komıtetiniń málimetinshe, China Southern Airlines áýe kompanıasy Almaty-Beıjiń áýe baǵyty boıynsha reıster sanyn aptasyna 3-ten 7-ge deıin ulǵaıtqan. Osylaısha, áýe kompanıasy osy baǵyt boıynsha reısterdi kúndelikti negizde oryndaıtyn bolady. Reıster syıymdylyǵy 152-200 oryndyq «Eırbas-A320/A321» tıpti áýe kemelerinde oryndalady.
Qaı kásip suranysqa ıe bolady?
Eńbek resýrstaryn damytý ortalyǵynyń sarapshylary kadrlarǵa qajettiliktiń 2024-2030 jyldarǵa arnalǵan orta merzimdi boljamyn jasady, onyń sheńberinde taıaýdaǵy jyldary neǵurlym talap etiletin mamandyqtardyń TOP-25 toby aıqyndaldy. Sarapshylardyń pikirinshe, eń «qajet»: esepshiler, kúzetshiler men ınkasatorlar, júrgizýshiler, muǵalimder, orta medısınalyq qyzmetkerler jáne mektepke deıingi bilim berý mekemelerindegi tárbıeshiler.
Almatynyń ajary
Qalanyń sýburqaqtary 1 mamyrda iske qosylady. Almatyda 60 sýburqaq iske qosylady. Qala balansynda barlyǵy 66 sýburqaq bar, onyń 6-y qaıta jańǵyrtylyp jatyr.
«Almaty – bizdiń ortaq úıimiz» naýqany aıasynda sýburqaqtardyń tostaǵandary, túpteri, qabyrǵalary tazartylyp, granıt plıtalaryn qalpyna keltirý boıynsha daıyndyq jumystary júrgizildi. Mamandar sýburqaqtardyń sándik elementterin boıady, elektr jabdyqtary men sorǵylaryna, elektr energıasynyń ınjenerlik jelilerine, sýyq sýmen jabdyqtaýǵa jáne kárizge revızıa júrgizdi.
Alaıaqty tanı júr!
Almaty polısıa departamenti ózderin Qazaqstannyń tártip saqshylary retinde tanystyratyn tanymal alaıaqtardyń júzderi beınelengen fotokollaj daıyndady.
«Kúdiktiler Whatsapp messendjerinde akkaýnt ashyp, avatarlaryna memlekettik mekeme nemese jeke uıym basshysynyń sýretin qoıyp, “QR UQK kenetten tekserip jatyr” degen syltaýmen qaramaǵyndaǵylarǵa úshinshi tulǵalardyń ártúrli shottaryna shuǵyl aqsha aýdarý qajettiligi týraly jazady. Ókinishke qaraı, bul tizbekpen aldanǵan jaǵdaılar bar. Sondyqtan azamattardyń alaıaqtardy kózben kórip, olarmen dıalogqa túspeýi óte mańyzdy», dedi, Almaty qalalyq polısıa departamenti bastyǵynyń orynbasary Qýatbek Naýatov.
Qazaqstan oqýshylary Balqan olımpıadasyna qatysyp jatyr
Elimizdiń qurama komandasynyń namysyn 6 oqýshy qorǵaıdy. Varna qalasynda (Bolgarıa) matematıkadan 41-shi Balqan olımpıadasy (BMO) bastaldy. Olımpıadaǵa 22 elden 130-dan astam oqýshy qatysady.
Balqan olımpıadasyna qatysý - aǵymdaǵy jyldyń 11-24 shilde aıynda Bat qalasynda (Ulybrıtanıa) ótetin matematıkadan halyqaralyq olımpıadaǵa (IMO) daıyndalý jáne tájirıbe jınaqtaý.
Vaksına adam ómirin saqtaı ma?
Jyl saıyn álemde sáýirdiń sońynda Dúnıejúzilik ımmýndaý aptalyǵy ótedi.
Vaksınasıa – adam aýrý qozdyrǵyshtarymen baılanysqa túskenge deıin aýrýdan qorǵaýdyń qarapaıym, qaýipsiz jáne tıimdi ádisi. Juqpaly aýrýlar shekaradan ońaı ótip, ony ımýnıteti joq kez kelgen adam juqtyryp alýy múmkin. Vaksınasıa ózińizdi jáne aınalańyzdaǵy jandardy qorǵaýǵa múmkindik beredi. Kez kelgen adam ekpe saldyra alady. Biraq belgili bir aýrýlary bar adamdarǵa keıbir ekpelerdi salýǵa bolmaıdy nemese keıinirek saldyrýyna bolady. Bul aýrýlarǵa: sozylmaly aýrýlar nemese emdeý kýrstary (mysaly, hımıoterapıa); vaksına komponentterine alergıalyq reaksıalar; vaksınasıa kezindegi aýyr aýrýlar jatady.
Ótelde ózgeris joq
Ónerkásip jáne qurylys mınıstri Qanat Sharlapaev elimizde ýtılalymǵa qatysty ózgeris bolmaıtynyn aıtty.
«Memlekette ýtılalymdy ózgertý úshin eshqandaı jospar joq. Bul másele jıi kóterilip jatyr. Qazir kezde bul baǵytta qandaı da bir túzetý qarastyrylmaǵan», - dedi Q. Sharlapaev.
Bıdiń de kúni bar
Bı ónerine arnalǵan ataýly kún 1982 jyly IýNESKO-nyń Halyqaralyq bı keńesiniń bastamasymen bekitilgen. Merekeniń 29 sáýirge belgilenýiniń ózindik sebebi bar. Bul kúni fransýz balet bıshisi, teoretıgi, balet ónerinde reforma jasaǵan «zamanaýı bıdiń ákesi» Jan-Jorje Noverre dúnıege kelgen. Mereke búkil álemde atap ótiledi.