Almatyda ekijaqty yntymaqtastyqty damytý aıasynda Qazan qalasynan kelgen delegasıa úshin ótkizilgen aqparattyq týr aıaqtaldy, dep habarlaıdy Almaty-akshamy.kz Almaty qalasynyń týrızm basqarmasyna silteme jasap.
Qazan delegasıasynyń ókilderi Qazaqstan Tatarstan úshin únemi tartymdy ekenin, al Red Wings áýekompanıasy Almaty – Qazan tikeleı reısin ashý arqyly ekijaqty yntymaqtastyq múmkindikterdi arttyrǵanyn atap ótti.
Sapar barysynda týrızm salasynyń ókilderi mańyzdy mádenı jáne týrısik nysandarmen tanysty, sondaı-aq Týrızm salasyn damytý jónindegi yntymaqtastyq týraly kelisimge qol qoıdy. Ol qalalar arasyndaǵy ózara qarym-qatynastardy damytýǵa belgili bir serpin beredi, atap aıtqanda, Qazan jáne Almaty arasyndaǵy týrısik aǵyndardyń sapaly almasýyn retteýge múmkindik beredi.
«Búginde Almatyda álemniń túrli elderinen keletin týrıserdiń qatary ósýde. Qalanyń iskerlik, ekologıalyq, mádenı-etnografıalyq, taý shańǵysy týrızmin, sondaı-aq otbasylyq demalysty damytýdaǵy múmkindikteri úlken. Statısıka boıynsha, 2022 jyldyń úshinshi toqsanynda Almaty qalasyna 270 myńnan astam sheteldik týrıser keldi. Sheteldik týrıserdiń eń kóp aǵyny Reseı, Ózbekstan, Ýkraına, Ázirbaıjan, Saýd Arabıasy, Ulybrıtanıa, Túrkıa, Qyrǵyzstan, Tájikstan, Úndistan, GFR, AQSH, QHR, Ońtústik Koreıa, t.b. elderden keledi. Aldaǵy ýaqytta sheteldik týrıser aǵynyn jyl saıyn 1 mıllıonǵa deıin kóbeıtý josparlanyp otyr», – dep habarlaıdy Almaty qalasynyń týrızm basqarmasy.